YuKSAK EʼTIROF YaNGI MARRALARGA ChORLAYDI
Erkin va ozod mamlakatda yashab, mehnat qilsang, mehnatlaring munosib baholansa - bu ulkan baxt! Buni men oʻz hayotimda boshimdan kechirmoqdaman. 1 dekabr kuni Qoraqalpogʻiston Respublikasi Joʻqorgʻi Kengesida boʻlib oʻtgan tantanali yigʻilishda mamlakatimiz mustaqilligining 23-yilligi munosabati bilan mehnatda alohida oʻrnak koʻrsatgani uchun mukofotlanganlarga davlatimizning yuksak mukofotlarini topshirish marosimi boʻlib oʻtdi.
Ularning safida bizning tumanimizdan "Mehnat shuhrati” ordeni bilan mukofotlangan tumanimiz hokimi Rajabboy Yoʻldoshev, "Shuhrat” medali sohibi boʻlgan Otaxon Qurboniyozovlar qatori menga ham "Qoraqalpogʻistonda xizmat koʻrsatgan pillakor” Faxriy unvoni tantanali ravishda topshirildi. Shuningdek, tuman prokurori Farhod Allambergenov hamda tuman IIB boshligʻi Omonboy Oʻrinboyevlarga esa Qoraqalpogʻiston Respublikasi Joʻqorgʻi Kengesining faxriy yorligʻi topshirildi.
-Eng quvonarlisi, Qoraqalpogʻiston Respublikasi Joʻqorgʻi Kengesi Prezidiumining qarori bilan Respublikamiz qishloq xoʻjaligini rivojlantirishdagi samarali mehnatlari, sohada amalga oshirilayotgan islohotlarni jadallashtirishdagi tashabbuskorligi, mamlakatni ijtimoiy-iqtisodiy rivojlantirishga qoʻshgan salmoqli hissalari va 2014-yilgi paxta topshirish boʻyicha yillik shartnomani bajarishdagi fidokorona xizmatlari uchun Amudaryo tumani hokimligi Qoraqalpogʻiston Respublikasi Joʻqorgʻi Kengesining Faxriy yorligʻi bilan mukofotlandi. Bu eʼtirof nafaqat qishloq xoʻjaligi sohasi xodimlarini, balki har bir amudaryolik qalbini gʻurur-iftixorga toʻldiradi.
Biz shu muhtasham majlisxonada oʻtirib, kelgusida yanada ulugʻvor ishlarga oʻzimizni chogʻladik. Kuchimizga kuch qoʻshilganday boʻldi. Bu kuch-gʻayratimizni kelgusida tumanimizning yanada ravnaq topishiga safarbar etamiz.
Gulsaur NAGʻMETOVA,
Qoraqalpogʻistonda xizmat koʻrsatgan pillakor.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
