ЙЎЛ ҲАРАКАТИ ҚОИДАЛАРИГА АМАЛ ҚИЛИШНИНГ АҲАМИЯТИНИ ТАРҒИБ ЭТИШГА БАҒИШЛАНГАН ТАДБИР ЎТКАЗИЛДИ
Туманимиз аҳолиси орасида соғлом турмуш турзи маданиятини шакллантиришдек улуғвор мақсаднинг амалга оширилишига Амударё туманининг ижтимоий-сиёсий нашри – “Тараққиёт кўзгуси” газетаси таҳририяти ходимлари ҳам баҳоли қудрат ҳисса қўшиб келишмоқда.
Улар Ўзбекистон Республикаси Олий Мажлиси ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат Фонди таъсис этган грант танловида ўзининг “Соғлом турмуш тарзи – фаровон ҳаёт асоси” деб номланган лойиҳаси билан қатнашиб, ғолиб бўлди ва 2021 йил декабрь ойидан лойиҳани амалга ошириш бошланди.
Шу кунгача лойиҳа доирасида соғлом яшашга тарғиб этиш, ҳаётимиздан ўрин олган зарарли одатлар ва уларнинг оқибатлари хусусида, жисмоний фаолликнинг аҳамияти, спорт соғлик гарови эканлиги хусусида Амударё телеканалида, “Тараққиёт кўзгуси”, “Менинг оилам” газеталарида кўплаб турли жанрларда материаллар берилаётир. Шунингдек, овул ва маҳаллаларда, таълим муассасаларида ўқувчи-ёшлар билан давра суҳбатлари ўтказилмоқда.
Яқинда туман “Баркамол авлод” болалар мактабида ўқувчиларга “Бахтсиз ҳодисалардан сақланиш – соғлом турмуш тарзининг асосий қоидаларидан бири” шиори остида “Йўл –транспорт ҳодисаларидан сақланиш” мавзусида учрашув ўтказилди. Йиғилишда йўл ҳаракати қоидаларига амал қилишнинг аҳамияти, ҳар бир одамнинг йўлларда ҳаракатланганда ўз ҳаёти хавфсизлигини таъминлаши, йўлларда бахтсиз ҳодисаларнинг содир бўлмаслиги учун пиёдалар ҳам, транспорт воситалари ҳайдовчилари ҳам бирдек ҳушёр бўлишлари лозимлиги хусусида тушунтириш олиб борилди.
Тадбирда таҳририят ходимларидан ташқари туман Ички ишлар бўлими ходими Расул Холмуродов, Олмазор маҳалласининг хотин-қизлар фаоли Ўрозгул Якубовалар ҳам иштирок этдилар.
Тадбирни мактаб директори Хонимжон Ражабова очди ва суҳбат мақсадини ўқувчиларга тушунтирди.
“Тараққиёт кўзгуси” газетаси махсус мухбири Ойгул Ражабова йўл ҳаракати қоидаларига амал қилмаслик оқибатида келиб чиқаётган бахтсиз ҳодисалар туфайли турли ёшдаги одамлар, болалар ҳам жабрланаётганини ҳатто айрим ҳолларда ҳаётдан кўз юмаётганини таъкидлаб, бунингдек кўнгилсизликларнинг олдини олиш учун йўлларда доимо огоҳ ва хушёр бўлиб ҳаракатланиш лозимлигини батафсил айтди.
Соғлом турмуш тарзига амал қилиш фуқароларга оиласида бахтиёрликни, йўлларда ҳаракатланганда хавфсизликни, касбий фаолиятида унумни, кун давомида яхши кайфиятни бағишлаши ҳаётий ҳақиқатдир. Бу ҳақда туман Ички ишлар бўлими ходими Расул Холмуродов, Олмазор маҳалласининг хотин-қизлар фаоли Ўрозгул Якубовалар ҳам батафсил гапирдилар.
Ташкилотчилар ўқувчиларни қизиқтирган саволларга батафсил жавоблар берди.
Тадбир ўқувчиларга йўл ҳаракати қоидаларига амал қилишнинг аҳамиятини сингдиришга хизмат қилгани билан аҳамиятли бўлди.
Маҳмуджон ШОМУРОДОВ.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
