ҚОРАҚАЛПОҒИСТОНДА АМАЛГА ОШИРИЛАЁТГАН ИСЛОҲОТЛАР ДОИРАСИДАГИ ВАЗИФАЛАР ЮЗАСИДАН ИШЧИ ГУРУҲНИНГ ТАРҒИБОТ ТАДБИРИ ЎТКАЗИЛДИ
Сўнгги даврларда Қорақалпоғистон Республикасини ижтимоий-иқтисодий жиҳатдан ривожлантириш ва аҳоли турмуш даражасини яхшилашга алоҳида эътибор қаратилиб, кенг кўламли ислоҳотлар амалга оширилмоқда. Маълумки, бу борада Президентимизнинг шу йил 31 август куни “Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида”ги Фармони қабул қилинган эди.
Шу кунларда Қорақалпоғистонни ижтимоий-иқтисодий ривожлантириш, аҳоли турмуш даражасини янада ошириш, муҳандислик коммуникация, ишлаб чиқариш ва хизмат кўрсатиш инфратузилмасини яхшилаш борасида амалга оширилаётган ислоҳотларни маҳаллаларда тушунтириш бўйича тузилган Республика ишчи гуруҳи ҳудудларга ташриф буюриб, мазкур Фармон ижросини таъминлаш мақсадида амалга оширилиши белгиланган вазифалар юзасидан тушунтириш-тарғибот ишларини ўтказишмоқда.
28 сентябрь куни Амударё туманида ҳам Мактабгача таълим бўлими биносида Республика ишчи гуруҳи аъзолари Давлат статистикаси қўмитасидан Файзулла Бердибоев, Республика Статистика бошқарма бошлиғи Темирбай Ганиев, “Агробанк”нинг Қорақалпоғистон Республикаси бошқармаси бошлиғи ўринбосари Марат Елмурадовлар иштирокида тарғибот тадбири ташкил этилди.
Мутасаддилар тадбирда иштирок этган фуқаролар йиғинларидаги ҳоким ёрдамчиларига Президентимизнинг “Қорақалпоғистон Республикасида тадбиркорлик, инновацион технологиялар ва инфратузилмаларни жадал суръатларда ривожлантириш орқали аҳоли фаровонлигини оширишнинг қўшимча чора-тадбирлари тўғрисида”ги Фармони ижросини таъминлаш мақсадида амалга оширилиши белгиланган вазифалар юзасидан кенг тушунчалар бердилар.
Таъкидланганидек, мазкур фармонда Қорақалпоғистон Республикасини ҳар томонлама жадал ривожлантириш, аҳолига муносиб турмуш шароитини яратиш бўйича устувор вазифалар белгиланган. Ишчи гуруҳ аъзолари аграр соҳадаги масалаларни ҳал қилиш, шаҳар ва туманларни ижтимоий-иқтисодий юксалтириш, инфратузилмани, аҳолини ижтимоий ҳимоя қилиш тизимини, таълимни, тадбиркорликни ривожлантириш ва ёшларни қўллаб-қувватлаш, саноат лойиҳаларини кўпайтириш кабилар бўйича белгиланган истиқболли режалар хусусида сўз юритдилар. Шунингдек, уларни амалга ошириш борасидаги вазифалар ижросини таъминлаш бугунги кундаги устувор масала эканлигини алоҳида таъкидлаб ўтдилар.
Тадбир давомида Президентимизнинг янги қабул қилган қарори билан берилган имтиёз ва преференциялар, маҳаллабай ишлаш тизими орқали яратилган имкониятлар, Давлат раҳбарининг жорий йил февраль ойидаги ташрифи давомида ҳудудни ривожлантиришга йўналтирилган маблағлар кўрсатилиб тайёрланган презентациялар тақдим этилди.
Шунингдек, ҳоким ёрдамчиларига “Саноат-қурилиш банки” томонидан янги қарор билан яратилган имкониятларни акс эттирувчи буклетлар берилиб, хонадонларга тарқатиш топширилди.
Ҳоким ёрдамчилари ўзларини қизиқтирган турли саволларга ишчи гуруҳ аъзоларидан батафсил жавоблар олдилар.
О.Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
