QORAQALPOGʻISTONDA AMALGA OShIRILAYoTGAN ISLOHOTLAR DOIRASIDAGI VAZIFALAR YuZASIDAN IShChI GURUHNING TARGʻIBOT TADBIRI OʻTKAZILDI
Soʻnggi davrlarda Qoraqalpogʻiston Respublikasini ijtimoiy-iqtisodiy jihatdan rivojlantirish va aholi turmush darajasini yaxshilashga alohida eʼtibor qaratilib, keng koʻlamli islohotlar amalga oshirilmoqda. Maʼlumki, bu borada Prezidentimizning shu yil 31-avgust kuni “Qoraqalpogʻiston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari toʻgʻrisida”gi Farmoni qabul qilingan edi.
Shu kunlarda Qoraqalpogʻistonni ijtimoiy-iqtisodiy rivojlantirish, aholi turmush darajasini yanada oshirish, muhandislik kommunikatsiya, ishlab chiqarish va xizmat koʻrsatish infratuzilmasini yaxshilash borasida amalga oshirilayotgan islohotlarni mahallalarda tushuntirish boʻyicha tuzilgan Respublika ishchi guruhi hududlarga tashrif buyurib, mazkur Farmon ijrosini taʼminlash maqsadida amalga oshirilishi belgilangan vazifalar yuzasidan tushuntirish-targʻibot ishlarini oʻtkazishmoqda.
28-sentyabr kuni Amudaryo tumanida ham Maktabgacha taʼlim boʻlimi binosida Respublika ishchi guruhi aʼzolari Davlat statistikasi qoʻmitasidan Fayzulla Berdiboyev, Respublika Statistika boshqarma boshligʻi Temirbay Ganiyev, “Agrobank”ning Qoraqalpogʻiston Respublikasi boshqarmasi boshligʻi oʻrinbosari Marat Yelmuradovlar ishtirokida targʻibot tadbiri tashkil etildi.
Mutasaddilar tadbirda ishtirok etgan fuqarolar yigʻinlaridagi hokim yordamchilariga Prezidentimizning “Qoraqalpogʻiston Respublikasida tadbirkorlik, innovatsion texnologiyalar va infratuzilmalarni jadal surʼatlarda rivojlantirish orqali aholi farovonligini oshirishning qoʻshimcha chora-tadbirlari toʻgʻrisida”gi Farmoni ijrosini taʼminlash maqsadida amalga oshirilishi belgilangan vazifalar yuzasidan keng tushunchalar berdilar.
Taʼkidlanganidek, mazkur farmonda Qoraqalpogʻiston Respublikasini har tomonlama jadal rivojlantirish, aholiga munosib turmush sharoitini yaratish boʻyicha ustuvor vazifalar belgilangan. Ishchi guruh aʼzolari agrar sohadagi masalalarni hal qilish, shahar va tumanlarni ijtimoiy-iqtisodiy yuksaltirish, infratuzilmani, aholini ijtimoiy himoya qilish tizimini, taʼlimni, tadbirkorlikni rivojlantirish va yoshlarni qoʻllab-quvvatlash, sanoat loyihalarini koʻpaytirish kabilar boʻyicha belgilangan istiqbolli rejalar xususida soʻz yuritdilar. Shuningdek, ularni amalga oshirish borasidagi vazifalar ijrosini taʼminlash bugungi kundagi ustuvor masala ekanligini alohida taʼkidlab oʻtdilar.
Tadbir davomida Prezidentimizning yangi qabul qilgan qarori bilan berilgan imtiyoz va preferentsiyalar, mahallabay ishlash tizimi orqali yaratilgan imkoniyatlar, Davlat rahbarining joriy yil fevral oyidagi tashrifi davomida hududni rivojlantirishga yoʻnaltirilgan mablagʻlar koʻrsatilib tayyorlangan prezentatsiyalar taqdim etildi.
Shuningdek, hokim yordamchilariga “Sanoat-qurilish banki” tomonidan yangi qaror bilan yaratilgan imkoniyatlarni aks ettiruvchi bukletlar berilib, xonadonlarga tarqatish topshirildi.
Hokim yordamchilari oʻzlarini qiziqtirgan turli savollarga ishchi guruh aʼzolaridan batafsil javoblar oldilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
