Одам савдоси ва мажбурий меҳнатга қарши курашиш бўйича ҳудудий ва туман комиссиялари аъзоларининг қўшма йиғилиши бўлиб ўтди
Бугунги кунда аср муаммосига айланган одам савдосига қарши курашиш нафақат маҳаллий, балки халқаро даражадаги инсон ҳуқуқ ва эркинларини таъминлашдаги асосий масалалардан биридир. Ачинарлиси, ушбу иллатнинг олдини олишга қаратилган кенг қамровли ҳуқуқий тарғибот тадбирлари олиб борилишига қарамай, миллионлаб инсонлар одам савдоси қурбонига айланмоқда.
Шу сабабдан одам савдоси ва мажбурий меҳнатга қарши курашиш бўйича амалга оширилаётган изчил чора-тадбирларни янада такомиллаштириш, жойларда ҳуқуқий тарғиботни янада кучайтириш муҳим вазифалардан бири саналади.
15 сентябрь куни туман ҳокимлиги биносида Қорақалпоғистон Республикаси одам савдоси ва мажбурий меҳнатга қарши курашиш бўйича ҳудудий комиссияси ва туман комиссияси аъзолари иштирокида йиғилиш бўлиб ўтди.
Йиғилишда одам савдосига ва мажбурий меҳнатга қарши курашиш борасида комиссия аъзоларининг ўзаро ҳамкорлик алоқалари, одам савдосига оид жиноятларни фош этиш, уларга барҳам бериш амалиёти, шунингдек, мажбурий меҳнатга қарши курашиш бўйича кўрилаётган чора-тадбирлар, амалга оширилган ишлар юзасидан баён ва қарорларни таҳлил қилиш, шунингдек, йўл қўйилган камчиликлар ва олдинда турган долзарб масалалар муҳокама этилди.
Йиғилишда сўзга чиққанлар одам савдосига қарши курашишда давлат идоралари ва фуқаролик жамияти институтлари саъй-ҳаракатлари билан манзилли ишлар амалга оширилаётганлиги тўғрисида айтиб ўтишди.
Таъкидланганидек, мазкур йўналишдаги мавжуд муаммоларни бартараф этиш ва амалиётни халқаро стандартларга мослаштириш бўйича олиб борилаётган ишлар халқаро ҳамжамият томонидан кенг эътироф этилмоқда.
Йиғилиш иштирокчилари томонидан одам савдоси ва мажбурий меҳнатга қарши кураш борасида ижобий натижаларга эришилишига қарамасдан, жойлардаги айрим раҳбарлар масъулиятсизлиги ва эътиборсизлиги сабабли ҳали ҳам айрим муаммолар сақланиб қолаётгани қайд этилди.
Шунингдек, йиғилиш давомида одам савдоси ва мажбурий меҳнатга қарши курашиш бўйича туман комиссиясининг 8 ойлик ҳисоботлари тингланиб, комиссия фаолияти сарҳисоб қилинди.
Йиғилиш якунида одам савдоси ва мажбурий меҳнатга қарши курашиш бўйича келгусидаги муҳим вазифалар белгилаб олинди ва кун тартибидаги масалалар юзасидан тегишли қарорлар қабул қилинди.
Дарҳақиқат, одам савдоси ва мажбурий меҳнат каби жиноятлар инсоннинг қадр-қиммати камситилишига сабаб бўлувчи, жамият тараққиётига тўсиқ бўлувчи иллатлардан бири ҳисобланади. Ушбу жиноятларнинг олдини олишга Республика, ҳудудий ва туман комиссия аъзоларигина эмас, мамлакатимиздаги Ватан тараққиётига бефарқ бўлмаган ҳар бир фуқаро ҳисса қўшиши лозим.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
