Бештом маҳалласи ёшлари билан туман ҳокимининг навбатдаги учрашуви бўлиб ўтди
Мамлакат тараққиёти, жадал ривожланиши, муайян ютуқларга эришиши, халқнинг фаровон бўлиши шу давлат томонидан ёшлар таълим-тарбияси ва келажагига бериладиган эътиборга боғлиқ. Шунга кўра, Ўзбекистонда ёшлар масаласи давлат сиёсатининг энг устувор йўналишларидан бирига айлантирилди.
Шу боисдан ёшларни баркамол қилиб тарбиялаш, уларнинг ҳаётга мустақил қадам қўйишлари учун барча шароитларни яратиш, ёшлар билан ишлаш самарадорлигини ошириш бўйича кўплаб тизимли ишлар амалга ошириб келинмоқда. Айниқса, бу борада ташкил этилаётган ҳоким ва ёшлар учрашувлари муҳим аҳамиятга эга бўлмоқда.
11 август куни Амударё туманининг Бештом маҳалла фуқаролар йиғини биносида “Ҳоким ва ёшлар учрашуви” бўлиб ўтди. Унда туман ҳокими Султонбой Йўлдашев, туман Халқ қабулхонаси бўлими мудири Эркин Ражабов, ҳоким ўринбосари Маҳмуд Шерметов ҳамда маҳалланинг 30 га яқин фаол ёшлари иштирок этишди.
Учрашувда туман ҳокими ёшларга мурожаат қилар экан, давлатимиз раҳбарининг ташаббуси билан кейинги йилларда ёшлар билан ишлаш бўйича мутлақо янги тизим яратилганлиги, ёшлар фаолиятига доир муҳим қарор ва фармонлар, қонунлар қабул қилинаётгани ва унда ёшларнинг ҳам таклифлари ўрин олаётганлиги келажагимиз эгаларига қаратилаётган юксак эътиборнинг намунаси эканлигини айтиб ўтди.
Учрашувда туман Халқ қабулхонаси мудири Эркин Ражабов Ватан келажаги фақат ёшлар қўлида эканлиги, уларни ҳар томонлама қўллаб-қувватлаш, муаммоларини ҳал қилиш учун туманимиздаги барча мутасадди ташкилот раҳбарлари масъул эканлигини айтиб ўтди. Шунингдек, ёшлар учун туман Халқ қабулхонаси эшиклари доимо очиқлиги таъкидланди.
Учрашув давомида ёшлар ўзларининг олдига қўйган мақсадлари ва режалари билан ўртоқлашдилар. Қолаверса, ушбу режаларини амалга оширишда туман ҳокимидан маслаҳат олишди.
Бугун Ўзбекистонда юксак маънавиятли авлод тарбияланмоқда. Бугунги ёшларнинг онг-у шуури, дунёқараши ҳам ўзгарган. Ёшларимиз орасида янгича ўйлайдиган, инновацион ғояларини амалга татбиқ эта оладиган кучлар борлиги бизни қувонтиради.
Туман ҳокими ёшларга мурожаат қилиб, бугун амалга оширилаётган улкан бунёдкорлик ишларининг барчаси ёшлар учунлигини, ёшлар ўз устида доимий ишлаб, ҳамиша юқори марраларни забт этишга интилишлари лозимлигини таъкидлади.
Учрашувда ёшлар ўзларини қийнаб келаётган муаммоли масалалар юзасидан туман ҳокимига мурожаат қилди. Ўз навбатида туман ҳокими мазкур масалалар тегишли масъуллар томонидан кўриб чиқилиб, натижалари ҳақида мурожаат эгаларига жавоб қайтарилишини таъкидлаб ўтди.
Туман ҳокимлигининг ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
