Фан ойлиги – фанни чуқур ўрганишга замин яратади
Халқ таълими вазирлиги томонидан сентябрь ойи география ва иқтисодий билим асосларифанлари ойлиги деб эълон қилинган.Бизнинг мактабимизда ушбу ойлик давомида мазкур фанларнинг ўқитилиши, қўшимча тадбирлар ташкил этилишига алоҳида аҳамият қаратилди. Ўқувчиларнинг иқтисодиёт ва география фанларига бўлган қизиқишларини янада орттириш мақсадида фан ойлиги давомида олган назарий билим, кўникма ва малакаларини амалиётга татбиқ эта олишлари учун турли кўрик-танловларва беллашувлар ташкил этилди.
Бу ойлик биринчи ҳафтасида ДТС ва ўқув дастури бўйича ўзлаштириши лозим бўлган билим, кўникма ва малакалари мониторингиўтказилди. 6-, 7-, 8-, 9-синфларда фан хоналари жиҳозланди, тарқатма материаллар, газета ва журналлардаги мақолалар, дарслик, ўқув қўлланмалари, атлас, ёзувсиз хариталар билан таъминланди. 6-синфлар орасида географияга оид макетлар тайёрланди. Иқтисодий билим асослари фанида "Менинг бизнес режам” мавзуси асосидакомпьютер тақдимоти бўлиб ўтди. 8-синфлар орасида эса Иқтисодий билим асослари фанидан реферат тайёрлаш танлови бўлиб ўтди. Географиядан "Нима? Қачон? Қаерда?” мусобақаси, 5-синфларда давра суҳбати бўлиб ўтди. 7-синф ўқувчилари ўртасида "Ўлкамиз географиясини биласизми?” мавзусида география фани билимдонлари беллашуви ва баҳс мунозаралар уюштиришди. Мактабда яна бошқотирма бурчаги, синф ўқувчилари тайёрлаган макетлар ва кўргазмали қуроллардан кўргазма ташкил этилди.
Шунингдек, қатор мавзулар бўйича "Намунали очиқ дарслар” барча синфларда ташкил этилди. Бундан ташқари, илғор педагогик теxнологиялардан фойдаланиб очиқ дарслар ўтказилди.
Бу каби амалий ишлар ўқувчиларнинг тегишли фанларни чуқур ўрганишларига замин яратади.
Мақсуда АБДУЛЛАЕВА,
64-сонли умумтаълим мактаби ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
