Туман Оила ва хотин-қизлар бўлими фаолияти ишчи гуруҳ томонидан ўрганилди
21 июнь куни Амударё тумани ҳокимлигининг мажлислар залида Ўзбекистон Республикаси Президентининг 2022 йил 7 мартдаги “Оила ва хотин-қизларни тизимли қўллаб-қувватлашга доир ишларни янада жадаллаштириш чора-тадбирлари тўғрисида”ги Фармонининг тумандаги ижроси юзасидан йиғилиш бўлиб ўтди.
Йиғилишда туман ҳокимининг биринчи ўринбосари Рашид Салаев, Ўзбекистон Республикаси Оила ва хотин-қизлар қўмитаси бўлим бошлиғи Раҳима Мирхаликова, Ўзбекистон Республикаси Оила ва хотин-қизлар қўмитаси бўлими мутахассиси Гулжамила Асқарова, Қорақалпоғистон Республикаси Оила ва хотин-қизлар қўмитаси Раиси ўринбосари Гулжон Холмуратова, туман Оила ва хотин-қизлар бўлими бошлиғи Гўзал Собурова шунингдек, маҳаллаларда фаолият олиб бораётган хотин-қизлар фаоллари иштирок этишди.
Йиғилишни туман ҳокимининг биринчи ўринбосари Рашид Салаев очди ва олиб борди.
Йиғилишда Раҳима Мирхаликова Қўмитанинг фаолиятига доир янгиликлар ҳақида маълумот бериб, хотин-қизлар билан ишлаш тизимини янада такомиллаштириш, “Аёллар дафтари”ни юритиш бўйича ўз таклиф ва мулоҳазаларини билдирди.
Шундан сўнг, ишчи гуруҳ вакиллари тумандаги “Аёлларни реаблитация қилиш ва мослаштириш Қорақалпоғистон Республикаси туманлараро маркази”да бўлиб, марказда яратилган шарт-шароитлар ҳамда марказ томонидан амалга оширилаётган ишлар билан яқиндан танишди.
Шунингдек, марказда аёллар учун ташкил этилган психологик тренингда қатнашиб, психологик ёрдамга муҳтож аёллар учун марказда психолог лавозими жорий қилиниши лозимлиги бўйича ўз таклифларини билдириб ўтишди.
Ташриф давомида ишчи гуруҳ вакиллари Амударё тумани хотин-қизлар тадбиркорлик марказида ташкил этилган касбга ўқитиш курслари фаолияти билан яқиндан танишдилар.
Тадбиркорлик марказида ишсиз, қолаверса, ўз тадбиркорлик фаолиятини йўлга қўйишни истаган аёл-қизлар тикувчилик, саватчилик ҳамда ҳунармандчиликнинг турли йўналишларида касбга ўқитилиб, келгусида ўз иш фаолиятларини йўлга қўйишлари учун барча турдаги ёрдамлар кўрсатилади.
Бу орқали аёл-қизларнинг бандлиги таъминланибгина қолмасдан, юқори даромад манбаига ҳам эга бўладилар.
Шундан сўнг, ишчи гуруҳ вакиллари Гулзор маҳалласи, Чойкўл ҳамда Қипчоқ овул фуқаролар йиғини хотин-қизлар фаолларининг иш фаолиятлари билан яқиндан танишишди.
Суҳбат давомида фаоллар томонидан ажримларнинг олдини олиш ва ажрим ёқасидаги оилалар билан ишлаш, хотин-қизларнинг жамиятдаги ижтимоий-сиёсий фаоллигини ошириш борасида амалга оширилаётган ишлар бўйича фикр-мулоҳазалар тингланди.
Шунингдек, фаолларга оилаларни мустаҳкамлаш, фарзанд тарбиясида ота-онанинг масъулиятини ошириш борасида тарғибот тадбирларини мунтазам ўтказиш лозимлиги бўйича таклиф ҳамда тавсиялар бериб ўтилди.
Бугунги кунда аёл-қизларга қаратилаётган эътибор ҳар қачонгидан ҳам юксалган. Шу нуқтаи назардан, жамиятнинг ижтимоий-сиёсий ҳаётида хотин-қизлар фаоллиги ва ролини оширишда, уларни ижтимоий-иқтисодий томондан ҳимоя қилишда кенг миқёсдаги ислоҳотлар изчиллик билан давом эттирилмоқда.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
