ФВБ ХОДИМЛАРИ ИШТИРОКИДА КОРРУПЦИЯНИНГ ОЛДИНИ ОЛИШГА БАҒИШЛАНГАН ДАВРА СУҲБАТИ ЎТКАЗИЛДИ

Суд масъуллари томонидан “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш” мавзусида давра суҳбати ташкил этилди.

Шу йил 27 май куни бўлиб ўтган туман Фавқулодда вазиятлар бўлимида ўтказилган мазкур тадбирда Қорақалпоғистон Республикаси суди масъуллари ва туман Фавқулодда вазиятлар бўлими бошлиғи Ҳамро Матякубов ва Бўлимнинг бошқа ходимлари иштирок этдилар.

Масъуллар томонидан бу каби тадбирлар Президентимизнинг 2021 йил 6 июлдаги “Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида”ги Фармони билан тасдиқланган Коррупцияга қарши курашиш бўйича 2021-2022 йилларга мўлжалланган давлат дастурининг 34-банди ижросини таъминлаш ҳамда коррупция давлат ва жамият тараққиёти учун энг жиддий хавф-хатарлардан бири эканлигини аҳоли ва давлат хизматчилари онгига сингдириш мақсадида ҳар бир корхона ташкилот ходимлари ўртасида ўтказилаётганлиги айтиб ўтилди.

Шунингдек, “Коррупцияга қарши курашиш тўғрисида”ги Қонуннинг мазмун-моҳияти тўғрисида кенг тушунтириш берилди. Мазкур Қонуннинг мақсади коррупцияга қарши курашиш соҳасидаги ҳуқуқий муносабатларни тартибга солишга, давлат органлари, ташкилотлар ҳамда фуқаролик жамияти институтлари томонидан амалга оширилаётган коррупцияга қарши чора-тадбирлар самарадорлигини оширишга, фуқароларнинг ҳуқуқий онги ва ҳуқуқий маданиятини юксалтириш орқали жамиятда коррупциянинг ҳар қандай кўринишларига тоқат қилмаслик муҳитини яратишга хизмат қилиши билан аҳамиятли эканлигини айтиб ўтилди.

Тадбир сўнгида йиғилиш иштирокчилари ўзларини қизиқтирган бошқа-да саволларга жавоблар олиб, мажлис баҳс ва мунозаралар тарзида ўтди.

С.Давлетмурадов, Қорақалпоғистон Республикаси суди судьяси.