Туман хабарлари
***
Манғит шаҳридаги "Охунжон” тўйхонасида 1 октябрь – Ўқитувчи ва мураббийлар куни муносабати билан тантанали тадбир ўтказилди. Унда туманимизнинг барча таълим муассасаларидан ўқитувчилар, меҳнат фахрийлари ҳамда туман ҳокимлигидан вакиллар иштирок этишиб, соҳа ходимларига алоҳида ҳурмат-эҳтиром кўрсатилди. Тадбирда сўзга чиққанлар барча ўқитувчиларни, соҳа ходимларини байрам муносабати билан табриклаб, эзгу тилаклар билдиришди.
Узоқ йиллар давомида таълим соҳасида намунали хизмат қилган фахрийлар ва фаол ўқитувчиларга эсдалик совғалари топширилди.
***
4 октябрь куни юртимизда Қурбон ҳайити байрами кўтаринки руҳда нишонланди.
Айтиш керакки, 1991 йил 20 июнда Президентимиз Ислом Каримовнинг "Диний байрам – Қурбон ҳайитини дам олиш куни деб эълон қилиш ҳақида”ги Фармони миллий маънавиятимизнинг таркибий қисми бўлган ислом динимизнинг жамият ҳаётидаги ўрнини тиклаш борасида амалга оширилган улкан қадам бўлди.
Туманимиздаги "Юсуф эшон бобо” жомъе масжидида ҳам шу куни Ийди Қурбон намози адо қилинди. Йиғилганлар юртимиз тинчлиги, ризқимиз бутунлигини Яратгандан сўраб, дуолар қилдилар.
***
Яқинда "Барамол авлод" болалар маразида янги ўқув йилида амалга оширилиши лозим бўлган муҳим вазифаларга бағишланган семинар-кенгаш бўлиб ўтди.
Семинарда кун тартибидаги масала бўйича марказ директори Х.Ражабованинг маърузаси тингланди. Шунингдек, тўгарак раҳбарларининг ҳужжат юритишга оид, тўгараклар фаолиятини янада жонлантиришга доир маърузалари тингланди.
Иштирокчилар илғор тўгарак раҳбарларининг иш фаолияти билан танишиб, ўзаро тажриба алмашдилар.
***
3 октябрь куни Ўзбекистон "Миллий тикланиш” демократик партияси туман Кенгашининг III конференцияси бўлиб ўтди.
Конференцияда кейинги 5 йил давомида партиянинг туман Кенгаши томонидан амалга оширилган ишлар бўйича ҳисобот тингланди. Шунингдек, партия туман Кенгаши ижроия қўмитасининг таркибига ўзгартиш ва қўшимчалар киритиш, халқ депутатлари туман Кенгаши депутатлигига "Миллий тикланиш" демократик партиясидан кўрсатилган номзодларни тасдиқлаш, ЎзМТДП Қорақалпоғистон Республикаси Кенгашининг III конференциясига делегатлар сайлаш масалалари муҳокама қилинди. Конференция кун тартибидаги масалалар юзасидан тегишли қарорлар қабул қилинди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
