ШЕЪРИЯТ ШАЙДОЛАРИ БИЛАН УЧРАШУВ ЎТКАЗИЛДИ
Жорий йилнинг 28 апрель санасида Амударё туман ХТБга қарашли 61-сонли умумтаълим мактабининг бир гуруҳ ҳаваскор қаламкашлари Ўзбекистон Ёзувчилар Уюшмаси аъзоси, Қорақалпоғистон Республикасида хизмат кўрсатган журналист, шоира Робия Йўлдошева ва амударёлик иқтидорли ижодкор, 35-сонли мактабнинг 10-синф ўқувчиси Барно Самандаровалар билан учрашдилар.
Учрашув тадбирини мактаб директори Ҳакимбой Давлатёров очди ва ўқувчи-ёшларни тадбир меҳмонлари билан таништирди. Шундан сўнг, Робия Йўлдошева сўзга чиқиб, тадбир иштирокчиларини бутун мусулмон оламида яқинлашиб келаётган Ийд-Рамазон билан табриклади ва мактабнинг ҳаваскор шоирлари ижоди билан танишиш мақсадида улар билан самимий ижодий мулоқот ўтказди. Мулоқот жараёнида ҳаваскор ижодкор ёшлар ўз ижодларидан намуналар ўқиб беришди, севимли халқ шоирлари А.Орипов, М.Юсуф шеъриятига алоҳида ҳурмат ва эҳтиром тариқасида уларнинг шеърларини баралла жўр бўлиб ёддан ўқидилар. Ўзбекистон мадҳиясини куйладилар. М.Юсуф ва А.Ориповнинг шеърлари асосида яратилган ўлмас қўшиқлар ҳақида тўлқинланиб сўзладилар.
Ўз навбатида Робия Йўлдошева ва ёш ижодкор Барно Самандаровалар ҳам ўқувчиларнинг талабларига кўра, ўз ижодларидан намуналар ўқиб бердилар.
Учрашув тадбири давомида ўқувчилар ўзларининг тенгдоши, шоира қиз Барно Самандаровага кундалик ҳаёт тарзини режалаштириш билан боғлиқ саволлар билан мурожаат қилдилар. Барно Самандарованинг илк ижоди, илк шеъри, устозлари билан ҳам қизиқдилар. Ўқувчиларнинг барча саволларига Барно Самандарованинг ўзи ва устози Робия Йўлдошева батафсил жавоблар беришди.
Самимий мулоқот ва шеърхонлик асосида ўтган учрашув тадбири ўқувчи-ёшлар қалбида адабиётга, айниқса, шеъриятга ҳурмат ва ихлос туйғуларини уйғотгани билан аҳамиятли бўлди.
Махсус мухбиримиздан,
Маҳмуджон Шомуродов олган суратлар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
