36-СОНЛИ МАКТАБ ЖАМОАСИ УМУМХАЛҚ ХАЙРИЯ ҲАШАРИДА ФАОЛ ИШТИРОК ЭТИШДИ
Мамлакатимизнинг барча ҳудудларида ҳукумат фармойишига кўра 30 апрель куни “Маҳалла ободлиги — юрт фаровонлиги" шиори остида умумхалқ хайрия ҳашари ўтказилди. Зеро, халқимизнинг азалий удумларидан бири саналган ҳашар одамлар орасидаги меҳр-оқибат, покизалик ва уюшқоқлик рамзидир. Бугунги кунда хайрия ҳашарларини ўтказиш ва шу орқали ҳудудларни ободонлаштириш ананага айланган.
Шу куни бўлиб ўтган хайрия ҳашарида туман Халқ таълими бўлимига қарашли 36-сонли мактаб жамоаси ҳам фаол иштирок этишди. Кўтаринки кайфиятда давом этган ҳашарда меҳнат қилаётган устозларга ўқувчилар ҳам қўшилиб кетдилар. Мактабда барча фан ўқитувчилари, мактаб раҳбарлари ва ўқувчилар кириб келаётган Рамазон ҳайити байрами арафасида умумхалқ хайрия ҳашарини юқори савияда ўтказишди.
Ҳашарда кимдир ўз меҳнати, кимдир саховати билан, бошқалар эса ўзининг олтинга тенг дуо-ю, эзгу тилаклари билан иштирок этади. Айниқса, улуғ айёмлар, катта тантаналар олдидан ўтказиладиган умумхалқ хайрия ҳашарларида етти ёшдан етмиш ёшгача бўлган барча юртдошларимиз фаол иштирок этишга ҳаракат қилади.
Ўзбекистон «Маҳалла» хайрия жамоат фонди, Ўзбекистон фахрийларни ижтимоий қўллаб-қувватлаш «Нуроний» жамғармаси, Маҳалла ва нуронийларни қўллаб-қувватлаш, Уй-жой коммунал хизмат кўрсатиш вазирликлари, Ёшлар ишлари агентлиги, маҳаллий давлат ҳокимияти органлари ташаббускор бўлган ушбу ҳашарда мактаб ҳовлисида ободонлаштириш ишлари ўтказилди.
Хайрия ҳашари муносабати билан мевали ва манзарали кўчатлар экилди. Мактаб спорт майдончаси ва атрофи тозаланди. Мактаб ҳудуди тозаланиб, дарахтлар оқланди, синф хоналари ҳам назардан четда қолмади. Оқова сув келадиган ариқ ва зовурлардаги чиқиндиларни тозалашди, йўлаклар озода ҳолга келтирилди.
Маълумки, фармойишда ҳашар давомида маҳаллалар, аҳоли турар жойлари, гузарлар, хиёбонлар, зиёратгоҳлар, мўътабар масканлар, болалар майдончалари тартибга келтирилиши, ободонлаштириш, кўкаламзорлаштириш ишлари янада фаол олиб борилиши билан бирга хайрия доирасида аҳолининг эҳтиёжманд қатламлари янада фаол қўллаб-қувватланиш белгиланган. Шунга кўра мактаб жамоаси ҳудудга яқин эҳтиёжманд оилалар хонадонларига ташриф буюриб, атрофларини ободонлаштиришга кўмак бердилар.
Мактаб атрофи ва ҳовлисини ободонлаштириш учун ҳисса қўшганлигидан барча ходимлар мамнун бўлдилар. Хайрия тадбири кўтаринки руҳда, завқли давом этди.
Озода Худойберганова, 36-сонли мактабнинг ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
