Муборак Рамазон ойи муносабати билан ижтимоий ҳимояга муҳтож фуқаролар ҳолидан хабар олинди
Юртимизда эртанги кун эгалари бўлган ёшларнинг билим олиши касб-ҳунар эгаллаши учун барча имконият ва шарт-шароитлар яратилган. Шуниси қувонарлики, давлатимиз томонидан узоқ вақт даволанишга муҳтож, имконияти чекланган болалар учун уйда якка тартибда таълим бериш усули ҳам йўлга қўйилган. Уйда якка тартибда таълим беришнинг асосий мақсади ўқувчиларнинг таълим олишга бўлган ҳуқуқларини таъминлаш ҳамда уларнинг таълим олишлари учун зарур шароит яратишдан иборат.
Яқинда Амударё тумани прокурори катта ёрдамчиси Аббаз Ниязымбетов, туман Халқ таълими бўлими мудири Акмал Исмоиловлар муборак Рамазон ойи муносабати билан ҳамда якка тартибда таълим олувчилар учун яратилаган қулай шарт-шароитлар билан танишиш мақсадида уларнинг хонадонида бўлишди.
Жумладан, 82-сонли умутаълим мактабининг 4-синфида якка тартибда таҳсил олаётган ўқувчи Бахтиёр Мақсудовнинг ҳолидан хабар олинди. Масъуллар Бахтиёр билан яқиндан суҳбатлашиш асносида ўқитувчи-мураббийларнинг таълим бериш жараёнида қўллаётган методик услублари, таълим методлари ўқувчининг таълим олишга бўлган итилиш ва қизиқишини янада оширишга хизмат қилаёганлигини эътироф этишиб, таълим олишга бўлган иштиёқини қўллаб-қувватладилар.
Шундан сўнг масъуллар Тош ёп овулида жойлашган 76-сонли умумий ўрта таълим мактабининг 2-синфида якка тартибда таълим олувчи ўқувчи Аброр Алламбергановнинг ҳолидан хабар олдилар.
Масъуллар ўқувчининг шахсий қизиқишлари, мутолаа қиладиган бадиий асарларининг мавзу ва ғояси, шунингдек интернетдан фойдаланиш маданияти бўйича фикрларини тинглаб, зарурий маслаҳат ва тавсияларини бердилар.
Шу куннинг ўзида туман прократураси ва туман Тиббиёт бирлашмаси томонидан Арнабўйи маҳалласида яшовчи, невролог шифокор диспансер назоратида турувчи фуқаро Қизларгул Ражапова ҳолидан ҳам хабар олинди.
Фуқарога туман прократураси томонидан ногиронлик аравачаси, озиқ-овқат маҳсулотлари ҳамда туман тиббиёт бирлашмаси томонидан умумий қувватлантирувчи, қон босим касаллигига қарши ҳамда юрак-қон томир касалликлари профилактикаси учун дори-дармон воситалари берилди.
Шунингдек, ушбу фуқаронинг ҳолидан доимий равишда хабар олиниб, мунтазам равишда шифокор назоратида бўлиши ҳамда саломатлигини тиклаш бўйича амалий ёрдамлар бериб борилиши маълум қилинди.
Дарҳақиқат, ижтимоий ҳимояга муҳтож, камхарж оилалар ҳолидан хабар олиш, уларга кўмак кўрсатиш миллатимизнинг олий инсоний қадриятларидан биридир. Ижтимоий ёрдамга муҳтож инсонларга ёрдам бериш, уларни моддий ва маънавий қўллаб-қувватлаш жамиятдаги ижтимоий тенгликнинг муҳим омилларидан биридир.
Амударё тумани пракатураси, Халқ таълим бўлими ва Тиббиёт бирлашмаси ташаббуси билан Рамазон ойида ташкил этилган ушбу хайрия тадбирлари ана шу эзгу ниятларни ўзида мужассамлаштиргани билан янада аҳамиятлидир.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
