Пробация ҳисобидаги ёшлар билан учрашув бўлиб ўтди
Давлатимиз томонидан амалга оширилаётган ислоҳотлар, энг аввало, инсон, унинг манфаатлари, ҳуқуқлари ва эркинликларини ҳимоя қилишни таъминлаш учун хизмат қилмоқда. Тобора равнақ топиб бораётган юртимизда азалдан инсонпарварлик тамойиллари, инсон шаъни ва қадри олий масала сифатида алоҳида эътиборга олинган.
Ички ишлар органларининг Пробация хизмати ташкил этилгандан буён жазоларнинг бажарилиши назорат қилиниши баробарида, ушбу тоифа шахсларни ижтимоий ҳаётга мослаштириш, уларнинг бандлигини таъминлаш, ўқишга ва ишга жойлаштириш, назорат остидагиларга ижтимоий, ҳуқуқий ва психологик ёрдам кўрсатиш, энг асосийси, шахсни тарбиялаш масалаларига эътибор қаратилиб келинмоқда.
Мамлакатимизда Пробация бўлинмалари назоратида турган маҳкумлар ўртасида ички ишлар органларининг бошқа соҳавий хизматлари, фуқароларнинг ўзини ўзи бошқариш органлари ва бошқа жамоатчилик тузилмалари билан ҳамкорликда профилактик тадбирлар амалга оширилиб, қайта ҳуқуқбузарлик ва жиноятлар содир этилишининг олди олинмоқда.
Жорий йилнинг 25 март куни Амударё тумани Ички ишлар бўлимининг катта мажлислар залида жами 39 нафар Пробация ҳисобидаги ёшлар билан учрашув ташкил этилди.
Маълумот учун айтиб ўтиш керакки, Ички ишлар органларининг пробация хизмати бошқа ҳуқуқни муҳофаза қилиш органлари, Бандлик ва меҳнат муносабатлари, Соғлиқни сақлаш, Халқ таълими, Олий ва ўрта махсус таълим вазирликлари уларнинг қуйи бўғинлари билан ҳамкорликда иш олиб боради. Шунингдек, “Маҳалла” хайрия жамоат фонди, “Нуроний” жамғармаси, Хотин-қизлар қўмитаси, Вазирлар Маҳкамаси ҳузуридаги “Оила” илмий-амалий тадқиқот маркази, Ёшлар ишлари агентлиги ҳамда Ёшлар иттифоқи билан доимий равишда ҳамкорлик йўлга қўйилган.
Учрашувга Амударё тумани прокурори катта ёрдамчиси 3-даражали юрист Аббоз Ниязимбетов, Амударё тумани прокурори ёрдамчиси 2-даражали юрист Санжар Халмуратов, туман ИИБ бошлиғининг ўринбосари жамоат хавфсизлиги хизмати бошлиғи Муҳтор Рахматуллаев ҳамда Ёшлар ишлари агентлиги Амударё тумани бўлими бош мутахассиси Сардор Курабоевлар қатнашди.
Учрашув давомида Амударё тумани прокурори катта ёрдамчиси Аббоз Ниязимбетов томонидан Пробация хизматининг вазифалари ҳақида кенг турда маълумотлар бериб ўтилди.
Шундан сўнг, туман Ички ишлар бошлиғининг ўринбосари Мухтор Рахматуллаев томонидан пробация назоратидаги шахсларнинг ижтимоий мослашувига, ўқиш ва ишга жойлашишига ҳамда уларга ҳуқуқий ва психологик ёрдамлар мунтазам равишда кўрсатилиши айтиб ўтилди.
Бундай учрашувларни ўтказишдан мақсад фуқароларнинг тўғри йўлдан адашмасликлари, жамиятда ўз ўрнини топиб Ватан корига ярайдиган инсон бўлиб етишишлари учун маслаҳат ва кўмак беришдан иборатдир.
Туман ҳокимлигининг Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
