МАКТАБГАЧА ТАЪЛИМ СОҲАСИ ХОДИМЛАРИ УЧУН СЕМИНАР ЎТКАЗИЛДИ
Мактабгача таълим ташкилоти таълим-тарбия жараёнининг илк босқичидир. Шу боисдан ҳам мактабгача таълим ташкилотларида фаолияти самарадорлигини оширишга, болажонларни мактаб таълимига сифатли тайёрлашга ва болаларнинг қамровини кенгайтиришга алоҳида эътибор қаратилмоқда.
Шу йилнинг 10 март куни Амударё туманидаги 82-сонли мактабнинг фаоллар залида туман Мактабгача таълим бўлими томонидан ўтказилган семинар ҳам шу мақсадга қаратилди.
Семинарда Қорақалпоғистон Республикаси Мактабгача таълим вазирлиги, Элликқалъа, Тахтакўпир, Тўрткўл туманлари Мактабгача таълим бўлими масъул ходимлари, туман Мактабгача таълим бўлими мутасаддилари ва тизимдаги ташкилотлар раҳбарлари, услубчилар, тарбиячилар иштирок этдилар.
Тадбирда мактабгача таълим ташкилотлари ходимлари ўртасида ўзаро манфаатли тажриба алмашинувини йўлга қўйиш мақсадида “Мактабгача таълим ташкилотларида таълим-тарбия жараёнини ташкил этиш”, “Мактабгача таълим ташкилотларининг кузатув кенгашлари фаолиятини ташкил этиш, иш ҳужжатларининг юритилиши”, “Таълим беришга компетенциявий ёндошув”, “Давлат талаблари ва “Илк қадам” давлат ўқув дастури асосида таълим-тарбиявий фаолиятни режалаштириш” мавзуларида маърузалар қилинди.
Қорақалпоғистон Республикаси Мактабгача таълим вазирининг биринчи ўринбосари, Элликқалъа, Тахтакўпир, Тўрткўл туманларидаги давлат мактабгача таълим ташкилотлари методистлари ва тарбиячилари, Амударё тумани Мактабгача таълим бўлими масъуллари кун тартибидаги масалалар юзасидан маъруза қилдилар.
Маърузалар юзасидан тадбир иштирокчилар ўз фикр-мулоҳазаларини билдириб ўтдилар. Хусусан, мактабгача таълим ташкилотларида тарбияланаётган болажонларнинг ҳар томонлама, баркамол ривожланишига эришиш учун уларнинг нутқини, жисмоний чиниқишини, ақлий қобилиятини ўстиришга эътиборни кучайириш, уларнинг қобилиятларини шакллантиришга индувидуал ёндашиш, машғулотларни болажонларга ёқадиган тарзда қизиқарли ташкил этиш бўйича фикрлар, амалий таклифлар билдирилди.
Шуниси эътиборлики, кейинги йилларда мактабгача таълим ташкилотларига болалар қамровини оширишга, муассасаларда болажонларга сифатли таълим-тарбия берилишига алоҳида эътибор қаратилмоқда, мактабгача таълим тизимини янада такомиллаштириш, соғлом, фаол, тўлақонли, жамиятга мослашган бола шахсини шакллантиришга ғамхўрлик кучаймоқда.
Туман Мактабгача таълим бўлими томонидан ҳам таълим тизимининг илк босқичи бўлган мавжуд мактабгача таълим ташкилотларида болаларни соғлом, ҳар томонлама ривожланган ва эркин шахс сифатида шакллантириш, болаларнинг қобилиятларини очиб бериш, таълим олишга бўлган интилишларини кучайтириш мақсадида изчил ишлар амалга оширилмоқда.
Семинар бу борадаги ишларни янги сифат босқичига кўтаришда муҳим аҳмият касб этиши шубҳасиз.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
