“ЁШ ҚУТҚАРУВЧИЛАР” ҲАРБИЙ-СПОРТ МУСОБАҚАСИ ЎТКАЗИЛДИ
Болалар-ўсмирлар спорт мактабида умумтаълим мактабларидаги “Ёш қутқарувчилар” кўнгиллилар клублари аъзолари ўртасида ҳарбий-спорт мусобақаси ўтказилди.
5 март куни бўлиб ўтган ушбу мусобақанинг туман босқичида 5 та мактабдан жамоалар иштирок этди. Мусобақага Қорақалпоғистон Республикаси Фавқулодда вазиятлар бошқармаси бўлим бошлиғи Ж.Есенбаев, Вазирликнинг қутқарув отряд командири Қ.Нуримбетов, Фавқулодда вазиятлар бўлими бошлиғи Ғ.Ўралов, туман ҳокими ўринбосари – Маҳалла ва оилани қўллаб-қувватлаш бўлими бошлиғи Ғ.Дуйсенбоев, Ёшлар ишлари агентлиги туман бўлими бошлиғи С.Исмаилов ҳамда туман ХТБ методисти Н.Абдуллаевлар ташриф буюрди. Тадбирни туман ҳокимининг ўринбосари М.Шерметов очиб берди ва иштирокчиларига омад тилади.
Мусобақада жамоалар 5 та шарт асосида беллашдилар. Биринчи шартга кўра жамоаларнинг назарий билимлари синаб кўрилди. Иккинчи шартда жамоалар биринчи тиббий ёрдам кўрсатиш бўйича тушунчаларини амалда кўрсатиб бердилар ва бу туман Тиббиёт бирлашмасининг тегишли мутахассислари томонидан баҳоланди. Учинчи шартда эса жамоаларнинг арқон боғлаш усуллари ва номланиши синаб кўрилди. Тўртинчи шартда жамоавий тарзда белгиланган вақт давомида палатка қуриш амалда синаб кўрилди. Бешинчи шартда ёнғин-қутқарув эстафетаси ўтказилиб, жамоаларнинг чаққонлиги амалда синаб кўрилди ва баҳоланди.
Қизғин ўтган беллашувда I ўринни 1-сонли мактабнинг “Қалқон” жамоаси, II ўринни 20-сонли мактабнинг “Қутқарувчилар” жамоаси, III ўринни 28-сонли мактабнинг “Эверест” жамоаси қўлга киритди. Фахрли I ўринни эгаллаган 1-сонли мактабнинг “Қалқон” жамоаси мусобақанинг Қорақалпоғистон Республикаси биринчилиги йўлланмасига эга бўлди.
Мусобақа ғолибларига туман ҳокимлиги ва Халқ таълими бўлими томонидан I, II ва III даражали дипломлар, эсдалик совғалар топширилди.
Б.Тажибоев, туман ФВБ ФВДТ ва ФМ ФТЭ, ХТБ бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
