АЁЛЛАР ҲАФТАЛИГИ МУНОСАБАТИ БИЛАН З.М.БОБУР НОМЛИ ОФЙДА БАЙРАМОНА ТАДБИР ЎТКАЗИЛИБ, ФАОЛ АЁЛЛАР ШАРАФЛАНДИ
Барча замонларда ва барча жамиятларда азиз ва муҳтарама аёл-қизларга нисбатан алоҳида меҳр-муҳаббат, ҳурмат ва эҳтиром кўрсатилган. Ерда ҳаёт бардавомлигини, авлодлар саломатлиги, наслий узвийлигини таъминловчи илоҳий хилқат сифатида эъзозланган. Мангу ва бетакрор гуллаш фасли – баҳордай меҳнаткашлиги билан ҳаётнинг турфа чигалликлари қаршисида Матонат ва Жасорат тимсоли сифатида қадрлангувчи Аёлларга эътибор масаласи мустақил мамлакатимизда давлат сиёсати даражасига кўтарилгани ҳам бежизга эмас.
8 март – Халқаро хотин-қизлар байрами арафасида, давлатимиз раҳбари Ш.М.Мирзиёев раислигида бўлиб ўтган видеоселектор йиғилишида Ўзбекистон хотин-қизларининг ижтимоий-иқтисодий, маданий ва маънавий фаоллигини ошириш, уларнинг ҳаётдан рози яшашлари учун зарур барча шароитларни яратиш мақсадида Президентимиз томонидан илгари сурилган янги ташаббуслар Аёлга, оилага эътибор ва рағбатнинг яққол ифодаси бўлди.
Айниқса, Президентимиз ташаббуси билан “Оила ва хотин-қизлар ишлари қўмитаси” ва унинг жойлардаги бошқармалари, барча маҳаллаларда оила ва хотин-қизлар қўмитаси фаоллари лавозими ташкил этилиши хотин-қизларнинг жамиятдаги мавқеини янада юксалтиришга қаратилгани билан аҳамиятли бўлди. Бу борада бутун мамлакатимиз бўйлаб, хусусан, Амударё туманида ҳам амалий ишлар бошлаб юборилди.
8 март – Халқаро хотин-қизлар куни байрами арафасида Аёллар ҳафталиги муносабати билан “Аёлларни эъзозланг!” шиори остида ташкиллаштирилган маънавий-маърифий тадбирлар ҳар бир маҳаллага кириб борди ва азиз аёллар учун бетакрор қувончлар ҳадя этди.
Баҳорнинг илк кунларидан бирида Бобур номли овул фуқаролар йиғинида бўлиб ўтган байрамолди тадбирида Оқ олтин, Бобур номли, Куюк кўпир, Хитой овуллари ҳамда Жумур овул, Қизилчоли, Намуна ва Торёп маҳалла фуқаролар йиғинлари фаол аёл-қизлари меҳмон бўлдилар.
“Аёлларни эъзозланг!” байрамона тадбирини Бобур номли овул фуқаролар йиғини раиси Гулбаҳор Рейимова очди ва тадбир меҳмонлари бўлган азиз аёл-қизларни 8 март – Халқаро хотин-қизлари куни муносабати билан табриклади.
Тадбир давомида Амударё туман маҳалла ва оилани қўллаб-қувватлаш бўлими бошлиғининг биринчи ўринбосари Гўзал Собурова, Республика Реабилитация ва мослаштириш маркази Амударё туман бўлинмаси ижрочи директори Гавҳар Чимбайчиевалар ҳам сўзга чиқишиб, тадбир иштирокчиларини яқинлашиб, келаётган баҳор байрамлари билан самимий табрикладилар.
Шундан сўнг, Амударё туман Маданият маркази санъаткорлари томонидан тайёрланган байрамона концерт дастури намойиш этилди. Аёлни, Онани, ватанпарварлик ва инсонпарварликни, миллатлараро дўстлик ва тотувлик, бебаҳо миллий-маънавий қадриятларимизни мадҳ этувчи куй-қўшиқлар, рақслар ижросидан кўнгиллар юксалди.
Айниқса, 26-сонли мактабгача таълим ташкилоти тарбияланувчилари – жажжи болажонларнинг чиқишлари тадбир иштирокчиларига завқ-шавқ бағишлади. Қизилчоли маҳалласи фаоли Маликахон Йўлдошова талқинидаги Аёлларни, баҳор гўзаллигини шарафловчи шеърий табрик қалбларда баҳорий кайфият уйғотди.
Тадбир давомида барча иштирокчилар туман Маданият маркази санъаткорлари томонидан ижро этилган дилрабо, жўшқин ашулаларга монанд рақсга тушдилар, бир-бирларига самимий тилакларини билдирдилар.
Тадбир якунида ташкилотчилар томонидан бир гуруҳ фаол аёл-қизларга байрам совғалари берилди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
