ТОШ ЁП ОВУЛИДА “МУСТАҲКАМ ОИЛА – ЖАМИЯТ ТАЯНЧИ” ДЕБ НОМЛАНГАН ПСИХОЛОГИК СЕМИНАР ЎТКАЗИЛДИ
Амударё туманининг Тош ёп овулида бир гуруҳ фаол нуронийлар, бой ҳаётий тажрибага эга мўътабар онахонлар ва ибратли қайноналар, намунали оилалар вакиллари ва ёшларни жалб қилган ҳолда психологик семинар ташкил этилди.
Жорий йил 25 февраль куни бўлиб ўтган ушбу семинарда туман ҳокимининг хотин-қизлар масалалари бўйича маслаҳатчиси Гўзал Собурова, Аёлларни реабилитация қилиш ва мослаштириш Қорақалпоғистон Республикаси туманлараро маркази директори Гавҳар Чимбайчиева, Ички ишлар бўлимининг Хотин-қизлар масалалари бўйича катта инспектори Гавҳар Утемурадова ва 27-сонли мактаб психологи Мавлуда Тўраева, Тош ёп овул фуқаролар йиғини раиси Гулшод Собировалар қатнашишди.
Семинарда дастлаб туманда ўтган даврдаги оилалар ўртасидаги ажралишлар, ҳар бир ажралиш туфайли бегуноҳ гўдаклар етим бўлиб қолаётганлиги, хотин-қизлар томонидан йўл қўйилаётган турли салбий ҳолатлар барчани жиддий ташвишга солаётгани тўғрисида сўз юритилди. Шунингдек, оила ҳаётнинг абадийлигини, авлодларнинг давомийлигини таъминлайдиган, муқаддас урф-одатларимизни саклайдиган, шу билан бирга, келажак насллар қандай инсон бўлиб етишишига бевосита таъсир кўрсатадиган тарбия ўчоғи эканлиги тўғрисидаги фикрлар баён қилинди.
Туман ҳокимининг хотин-қизлар масалалари бўйича маслаҳатчиси, Маҳалла ва оилани қўллаб-қувватлаш бўлими бошлиғи ўринбосари Гўзал Собурова ҳам сўзга чиқиб, оилада соғлом муҳитни юксалтириш, аждодларимизнинг оила масаласидаги маънавий-ахлоқий меросларини тарғиб қилиш, эрта, яқин қариндошлар ўртасидаги никоҳнинг салбий оқибатлари, қайнона ва келин муносабатларини мустаҳкамлашга кўмаклашиш кераклиги тўғрисида ўз мулоҳазаларини айтиб ўтди.
Семинар давомида туман Ички ишлар бўлимининг Хотин-қизлар масалалари бўйича катта инспектори Гавҳар Утемурадовалар Президентимизнинг 2021 йил 19 майдаги “Зўрлик ишлатишдан жабр кўрган хотин-қизларни реабилитация қилишга оид қўшимча чора-тадбирлар тўғрисида”ги Қарори мазмун-моҳияти ҳамда тазйиққа учраган хотин-қизларни ҳимоя қилиш, уларнинг бузилган ҳуқуқларини тиклаш, уларга нисбатан зўравонлик ҳолатларининг олдини олиш, аёллар тадбиркорлигини қўллаб-қувватлаш, гендер тенгликни таъминлаш ва хотин-қизларни жамиятдаги мавқеини янада оширишга қаратилган чора-тадбирларнинг амалдаги ижроси хусусида сўз юритди.
Шунингдек, маърузачилар ижтимоий жиҳатдан оғир аҳволда бўлган оилаларни ўз вақтида аниқлаб, уларга ижтимоий, ҳуқуқий ва маънавий ёрдам кўрсатиш, ҳуқуқбузарлик содир этишга мойил шахсларни ўз вақтида аниқлаб, улар билан манзилли профилактик ишларни ташкил этиш, ҳар бир содир этилган ҳуқуқбузарликнинг сабаб ва шароитларини чуқур ўрганиш ва таҳлил қилиш маиший зўравонликнинг олдини олиш борасидаги муҳим қадам эканлигини эътироф этишди. Малакали психологлар томонидан бу каби салбий ҳолатларнинг олдини олиш юзасидан амалий машғулотлар ўтказилди.
Семинар якунида ишторкчиларга кофе-брейк ташкил қилинди. Тадбир савол-жавоблар асосида мазмунли ўтди.
Гавҳар ЧИМБАЙЧИЕВА, Аёлларни реабилитация қилиш ва мослаштириш Қорақалпоғистон Республикаси туманлараро маркази директори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
