Қонун ҳужжатларининг мазмун-моҳиятига бағишланган йиғилиш бўлиб ўтди

24 февраль куни Амударё туманининг Олмазор маҳалласи ҳудудида жойлашган 82-сонли умумтаълим мактаби биносида туман Халқ таълими бўлими мудири Акбар Исмаилов, туман ҳокими ўринбосари Маҳмуд Шерметов, туман Адлия бўлими бошлиғи Мўъминжон Матюсупов, Давлат хавфсизлик хизмати туман бўлинмаси вакили, Халқ таълим бўлими масъул ходимлари ҳамда мактаб директорлари иштирокида йиғилиш бўлиб ўтди.

 Йиғилишда Ўзбекистон Республикаси Президентининг “Халқ таълими тизимини ислоҳ қилиш бўйича қўшимча чора-тадбирлар тўғрисида”ги фармойиши, “Коррупцияга қарши курашиш тўғрисида”ги Қонун мазмун-моҳияти ҳамда педагог кадрларни аттестациядан ўтказиш тартиби тўғрисидаги низомларнинг мазмун-моҳияти бўйича масалалар муҳокама қилинди.

Шунингдек йиғилишда, мактабларда жорий этилиши кутилётган e-huquqshunos тизими ҳамда Халқ таълими тизимига доир бошқа масалалар ҳам кўриб чиқилиб иштирокчиларнинг таклиф ва тавсиялари тингланди.

Дастлаб туман Халқ таълими бўлими мудири Акмал Исмаилов йиғилганларни кун тартибидаги масалалар билан таништириб ўтди. Шундан сўнг Давлат хавсизлик хизмати Амударё туман бўлинмаси ходими томонидан коррупцион ҳолатларнинг олдини олишда барча бирдек масъуллиги, айниқса бу борада таълим тизимида янада ҳушёрлик таълаб қилиниши айтиб ўтилди. Жиноятни содир этган шахсларга нисбатан кўриладиган жазо чоралари муқаррар эканлиги таъкидланди.

Шунингдек йиғилишда, туман ҳокими ўринбосари Маҳмуд Шерметовнинг Халқ таълими тизимини янада ривожлантириш, соҳага доир янги ташаббусларни илгари суриш ва уларни қўллаб-қувватлаш, таълим ва тарбия сифатига бевосита ва билвосита таъсир қилиши мумкин бўлган ҳолатлар, масъул идораларнинг бу борадаги фаолиятини мувофиқлаштириб бориш ҳақидаги фикрлари тингланди.

Қолаверса, 2022 йил давомида Халқ таълими тизимини ислоҳ қилиш бўйича туманда амалга ошириладиган ишлар режаси тасдиқланганлиги ва ушбу режа асосида тизимли ишлар амалга оширилиши маълум қилинди.

Бундан ташқари, йиғилишда педагог кадрларни аттестациядан ўтказиш тартибига киритилган ўзгартиришлар ҳусусида туман Халқ таълими бўлими мудири томонидан кенг турда маълумот бериб ўтилди.

Шунингдек, мактабларда жорий этилиши кутилётган e-huquqshunos тизими ҳақида туман Адлия бўлими бошлиғи Мўъминжон Матюсупов кен турда тушунчалар берди.

Йиғилиш якунида мактаб директорларининг ўз ишига масъулиятини ошириши, мактабда соғлом ривожлантирувчи муҳитни яратиши лозимлиги, педагог кадрлар билан ишлашда эътибор қаратиши лозим бўлган жихатларга тўхталиб ўтилди.

Йиғилиш иштирокчиларидан 21-сонли директори Турсинбой Досчанов, 22-мактаб директори Азим Бекбергенов, 26-мактаб директори Ялғаш Шамуратов ҳамда 31-сонли мактаб директори Нилуфар Давлетоваларнинг халқ таълими тизимини ривожлантириш, мактабларга янги иннавотцион педагогик технологияларни олиб кириш, ўқитувчиларнинг билим салоҳиятини ошириш, ҳамда мактабларда соғлом рақобат муҳитини шакиллантириш бўйича таклифлари тингланди.

Дарҳақиқат, эртанги куннинг эгалари бўлган ёш авлодни маънан етук ва баркамол бўлиб вояга етиши Халқ таълими ходимлари зиммасига катта масъулият ва жавобгарлик юклайди.

Туман хокимлигининг ахборот хизмати.