Qonun hujjatlarining mazmun-mohiyatiga bagʻishlangan yigʻilish boʻlib oʻtdi

24-fevral kuni Amudaryo tumanining Olmazor mahallasi hududida joylashgan 82-sonli umumtaʼlim maktabi binosida tuman Xalq taʼlimi boʻlimi mudiri Akbar Ismailov, tuman hokimi oʻrinbosari Mahmud Shermetov, tuman Adliya boʻlimi boshligʻi Moʻʼminjon Matyusupov, Davlat xavfsizlik xizmati tuman boʻlinmasi vakili, Xalq taʼlim boʻlimi masʼul xodimlari hamda maktab direktorlari ishtirokida yigʻilish boʻlib oʻtdi.

 Yigʻilishda Oʻzbekiston Respublikasi Prezidentining “Xalq taʼlimi tizimini isloh qilish boʻyicha qoʻshimcha chora-tadbirlar toʻgʻrisida”gi farmoyishi, “Korruptsiyaga qarshi kurashish toʻgʻrisida”gi Qonun mazmun-mohiyati hamda pedagog kadrlarni attestatsiyadan oʻtkazish tartibi toʻgʻrisidagi nizomlarning mazmun-mohiyati boʻyicha masalalar muhokama qilindi.

Shuningdek yigʻilishda, maktablarda joriy etilishi kutilyotgan e-huquqshunos tizimi hamda Xalq taʼlimi tizimiga doir boshqa masalalar ham koʻrib chiqilib ishtirokchilarning taklif va tavsiyalari tinglandi.

Dastlab tuman Xalq taʼlimi boʻlimi mudiri Akmal Ismailov yigʻilganlarni kun tartibidagi masalalar bilan tanishtirib oʻtdi. Shundan soʻng Davlat xavsizlik xizmati Amudaryo tuman boʻlinmasi xodimi tomonidan korruptsion holatlarning oldini olishda barcha birdek masʼulligi, ayniqsa bu borada taʼlim tizimida yanada hushyorlik taʼlab qilinishi aytib oʻtildi. Jinoyatni sodir etgan shaxslarga nisbatan koʻriladigan jazo choralari muqarrar ekanligi taʼkidlandi.

Shuningdek yigʻilishda, tuman hokimi oʻrinbosari Mahmud Shermetovning Xalq taʼlimi tizimini yanada rivojlantirish, sohaga doir yangi tashabbuslarni ilgari surish va ularni qoʻllab-quvvatlash, taʼlim va tarbiya sifatiga bevosita va bilvosita taʼsir qilishi mumkin boʻlgan holatlar, masʼul idoralarning bu boradagi faoliyatini muvofiqlashtirib borish haqidagi fikrlari tinglandi.

Qolaversa, 2022-yil davomida Xalq taʼlimi tizimini isloh qilish boʻyicha tumanda amalga oshiriladigan ishlar rejasi tasdiqlanganligi va ushbu reja asosida tizimli ishlar amalga oshirilishi maʼlum qilindi.

Bundan tashqari, yigʻilishda pedagog kadrlarni attestatsiyadan oʻtkazish tartibiga kiritilgan oʻzgartirishlar hususida tuman Xalq taʼlimi boʻlimi mudiri tomonidan keng turda maʼlumot berib oʻtildi.

Shuningdek, maktablarda joriy etilishi kutilyotgan e-huquqshunos tizimi haqida tuman Adliya boʻlimi boshligʻi Moʻʼminjon Matyusupov ken turda tushunchalar berdi.

Yigʻilish yakunida maktab direktorlarining oʻz ishiga masʼuliyatini oshirishi, maktabda sogʻlom rivojlantiruvchi muhitni yaratishi lozimligi, pedagog kadrlar bilan ishlashda eʼtibor qaratishi lozim boʻlgan jixatlarga toʻxtalib oʻtildi.

Yigʻilish ishtirokchilaridan 21-sonli direktori Tursinboy Doschanov, 22-maktab direktori Azim Bekbergenov, 26-maktab direktori Yalgʻash Shamuratov hamda 31-sonli maktab direktori Nilufar Davletovalarning xalq taʼlimi tizimini rivojlantirish, maktablarga yangi innavottsion pedagogik texnologiyalarni olib kirish, oʻqituvchilarning bilim salohiyatini oshirish, hamda maktablarda sogʻlom raqobat muhitini shakillantirish boʻyicha takliflari tinglandi.

Darhaqiqat, ertangi kunning egalari boʻlgan yosh avlodni maʼnan yetuk va barkamol boʻlib voyaga yetishi Xalq taʼlimi xodimlari zimmasiga katta masʼuliyat va javobgarlik yuklaydi.

Tuman xokimligining axborot xizmati.