ҲУДУДЛАРДА СУД РАИСЛАРИНИНГ САЙЁР ҚАБУЛЛАРИ ЎТКАЗИЛДИ

Юртимизда фуқароларнинг ҳуқуқ ва эркинликларини ишончли ҳимоя қилиш, одил судловга эришиш, суд иши юритуви сифатини янада яхшилашга қаратилаётган эътибор юксак самаралар бермоқда. Шу қатори суд масъуллари томонидан фуқароларнинг мурожаатларини қабул қилиш, юритувдаги ишларни адолатли кўриб чиқиш борасида амалга оширилаётган ишлар соҳада янада юқори натижаларга эришишни таъминлаш билан бирга халқнинг суд органларига бўлган ишончини оширмоқда.

29 январь куни Амударё туманидаги Куюк кўпир, Хитой, Бўз ёп овуллари ва Тор ёп маҳалласида судлар раислари томонидан сайёр қабул ва ҳуқуқий тарғибот тадбирлари амалга оширилди. Жиноят ишлари ва Фуқаролик ишлари бўйича туман суди раислари, Иқтисодий ишлар бўйича Беруний туманлараро суди масъуллари иштирок этган ушбу сайёр қабулларда фуқароларнинг судга тааллуқли масалалар бўйича мурожаатлари қабул қилиниб, уларга ҳуқуқий тушунтириш берилди.

Сайёр қабулда дастлаб мамлакатимизда фуқароларнинг ҳуқуқ ва эркинликларини ишончли ҳимоя қилиш кафолатларини кенгайтириш, суд тизимини ислоҳ қилиш, одил судловга эришиш даражасини, суд иши юритуви сифатини, фуқароларнинг ҳуқуқий билими ва маданиятини ошириш, суд, ҳуқуқ-тартибот идоралари ходимлари ва кенг жамоатчилик ҳамкорлигини мустаҳкамлаш борасида изчил ишлар олиб борилаётгани таъкидланди. Шунингдек, маҳалла фуқаролари ўртасида ҳуқуқбузарликларни олдини олиш, фуқароларнинг маънавиятини ҳамда уларнинг ҳуқуқий билими ва маданиятини янада юксалтириш мақсадида норматив-ҳуқуқий ҳужжатларнинг мазмун-моҳияти суд амалиётидаги мисоллар билан тушунтириб ўтилди.

Тадбир жараёнида судьялар томонидан ҳар бир фуқаро ўзининг ҳуқуқий билими ва маданиятини юксалтириб, жамиятда аҳолининг ҳуқуқий билими ва маданиятини янада оширишда, мамлакатимизнинг ҳар томонлама ривожланишида, ёт ғояларга берилмаслик ва ёшлар ўртасидаги ҳуқуқбузарлик ва жиноятчиликни олдини олишда ўзларининг муносиб ҳиссасини қўшишлари лозимлиги таъкидланди.

Шундан сўнг, суд раислари фуқаролар билан юзма-юз суҳбатлашиб, уларнинг мурожаатларини қабул қилдилар. Ўтказилган сайёр қабулларда Куюк кўпир овулида 13 нафар, Хитой овулида 14 нафар, Бўз ёп овулида 11 нафар, Тор ёп овулида 16 нафар фуқаролар турли муаммолар юзасидан мурожаат этдилар. Қабуллар чоғида суд раислари ҳар бир мурожаатчини эшитиб, ўртага қўйган масалалари бўйича тегишли тартибда жавоб бердилар.Ўрганиш талаб этиладиган мурожаатларга муддат белгиланиб, фуқаролар бундан хабардор қилиниши айтилди.

Қабул давомидаги жами 44 та мурожаатдан 4 таси кадастр ҳужжатларини расмийлаштириш, 6 таси мутахассислик бўйича ишга жойлашиш, қолганлари бошқа масалалар бўйича бўлди. Мурожаатлар суд раислари томонидан қонун талаблари асосида кўриб чиқилди ва фуқароларга ҳуқуқий тушунтиришлар берилди.

Юртимиз аҳолисининг суд идораларига бўлган ишончини мустаҳкамлаш, ҳуқуқий билимини оширишга қаратилган ишлар кўламини янада кенгайтириш мақсадида ўтказилган мазкур сайёр қабулларда иштирок этган фуқаролар суд масъулларига ўз миннатдорчиликларини билдирдилар.

Қайрулла Атамуродов, Фуқаролик ишлари бўйича туман суди раиси.