2021 йил сарҳисоби: Мактабгача таълим тизими
Туманимизда 3 ёшдан 7 ёшгача бўлган болаларни мактабгача таълим ташкилотларига тўлиқ қамраб олиш, уларнинг замон талаблари даражасида таълим-тарбия олишларини таъминлашга алоҳида эътибор қаратилмоқда. Айни пайтда туманда 3-7 ёшли болалар 16 613 нафарни ташкил қилади.
Жорий йил 1 декабрь ҳолатига кўра, тумандаги мактабгача таълим ташкилотлари сони 123 та бўлиб, шундан 51 таси давлат, 4 таси давлат хусусий шериклик асосидаги ҳамда 68 таси оилавий мактабгача таълим ташкилотларидир. Ушбу мактабгача таълим ташкилотларига жами 1559 нафар болалар қамраб олинган. Бу жами 3-7 ёшли болаларнинг салкам 70 фоизини ташкил этади.
2021 йилда инвестиция дастури асосида 21-сонли давлат мактабгача таълим ташкилоти биносининг қурилиш-таъмирлаш ишларига 2 млрд. 763,3 млн. сўм маблағ ажратилди. Мазкур ДМТТда “Жумуртов тех-таъмир сервис” МЧЖ томонидан қурилиш-таъмирлаш ишлари тугалланиб, ҳозирги кунда жиҳозлаш ишлари олиб борилмоқда.
Шунингдек, “Обод қишлоқ” дастури асосида 45-сонли ДМТТнинг қурилиш-таъмирлаш ишларига 1 млрд. 33,8 млн. сўм маблағ ажратилиб, айни пайтда “MANGIT MEGA HАMKOR” МЧЖ томонидан қурилиш-таъмирлаш ишлари якунига етказилди ва ДМТТ атрофи ободонлаштирилмоқда.
Бундан ташқари, жорий йилда маҳаллий бюджет ҳисобидан тумандаги 3 та (4-, 19-, 23-) мактабгача таълим ташкилотлари жорий таъмирдан чиқарилди ҳамда 3 та (12-, 15-, 17-) мактабгача таълим ташкилотларида жорий таъмирлаш ишлари амалга оширилмоқда.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
