МЕҲР-МУРУВВАТ ОЙЛИГИ МУНОСАБАТИ БИЛАН ТАДБИР ЎТКАЗИЛДИ
Жорий йилнинг 30 ноябридан 30 декабрига қадар мамлакатимизда “Меҳр-мурувват ойлиги” деб эълон қилинди. Ушбу ойлик доирасида имконияти чекланган инсонларни тиббий-ижтимоий реабилитация қилиш, уларнинг жамиятга интеграциясини жадаллаштириш, ҳақ-ҳуқуқларини ҳимоя қилиш, ушбу мавзуларга бағишланган илмий-амалий семинарлар, давра суҳбатлари ўтказилиши белгиланган.
Ойлик давомида ногиронлиги бўлган шахсларни ижтимоий қўллаб-қувватлашга алоҳида эътибор қаратилади. Амударё туманида ҳам имконияти чекланган инсонларга ҳар томонлама кўмак бериш, уларнинг яшаш, меҳнат қилиш, ўз қобиятларини номойиш этишга қулай шарт-шароитлар яратиш борасида кўплаб амалий ишлар қилинаётир.
18 декабрь куни ойлик муносабати билан Амударё муҳандислик техникумида ҳам тумандаги Ногиронлар жамияти аъзолари иштирокида “Ўз ҳуқуқларингизни биласизми?” деб номланган давра суҳбати бўлиб ўтди. Унда туман ҳокимлиги, Маҳалла ва оилани қўллаб-қувватлаш бўлими, Адлия бўлими, Ёшлар ишлари агентлиги ва бошқа ташкилотлар вакиллари қатнашдилар.
Тадбирда туман Адлия бўлими бошлиғи М.Матюсупов ногиронлиги бўлган шахсларнинг таьлим олиш, даволаниш, меҳнат қилиш борасидаги хуқуқлари 2020 йил 15 октябрь куни қабул қилинган Ўзбекистон Республикасининг “Ногиронлиги бўлган шахсларнинг ҳуқуқлари тўғрисида” ги Қонунида ўз ифодасини топганлигини тушунтириб ўтди. Шунингдек, сўзга чиққан бошқа масъуллар ҳам давлатимиз томонидан ногиронлиги бўлган шахсларни қўллаб-қувватлаш борасида амалга оширилаётган чора-тадбирлар хусусида сўз юритдилар.
Тадбир якунида иштирокчиларга кириб келаётган янги йил муносабати билан совғалар улашилди.
Фотима Эшимбетова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
