ҚОЗОҚ АДАБИЁТИНИНГ ЙИРИК НАМОЁНДАСИ – ИБИРАЙ АЛТИНСАРИН ИЖОДИ ЎҚУВЧИ-ЁШЛАР ТАЛҚИНИДА
Қозоқ адабиётининг йирик намоёндаларидан бири Ибирай Алтинсарин 1841 йилда Қозоғистон Республикасининг Қостанай вилоятида таваллуд топган. Отасидан жуда эрта етим қолган Ибирай Алтинсарин бобоси Балхўжа Жангбирчиннинг оиласида тарбияланди. Ҳаёт қийинчиликларини кўп бора бошидан кечириб, меҳнатда тобланган Ибирай Алтинсарин қозоқ фольклор адабиётини меҳр билан ўрганади. Халқ оғзаки ижодининг сўнмас дурдоналарини излаб топишдан, ўрганишдан асло чарчамаган булғуси шоир ва ёзувчи Ибирай Алтинсарин вақт ўтиб, йирик ёзувчи, педагог, этнограф олим, жамоат арбоби, халқ оғзаки ижоди бўйича бетимсол мутафаккир бўлиб етишади. Унинг болалар ҳаётига оид ҳикоялари ва шеърлари ҳар бир қозоқ оиласининг маънавий мулкига айланган ва ҳамон бу нодир асарларни ёзувчининг ватандошлари, шу билан бирга қардош халқлар севиб мутолла қилишади.
Туманимиздаги 14-сонли умумтаълим мактабида Ибирай Алтинсарин таваллудининг 180 йиллиги муносабати билан намунали очиқ дарс ташкиллаштирилди. Аввало, очиқ дарс ўтказиладиган хона Ибирай Алтинсарин ҳаёти ва ижоди ҳақида ҳикоя қилувчи кўргазмали воситалар, ёзувчи қаламига мансуб асарлар, қозоқ халқ оғзаки ижоди намуналари, ёзувчининг кўп қиррали жамоатчилик фаолиятини акс эттирувчи расм-альбомлар билан безатилди.
Очиқ дарс давомида ўқувчи-ёшлар ёзувчининг ижодидан намуналар ўқидилар. Ибирай Олтинсарин асарларининг тарбиявий аҳамияти хусусида сермазмун маърузалар қилдилар.
Айниқса, ёзувчининг одамийлик ва ростгўйликка чорловчи ҳикоялари, “Кел, болалар, ўқийлик” шеърининг бадиий-таҳлилий ифодаси ўқувчилар қалбида чуқур таассурот қолдирди.
Шундан сўнг, очиқ дарснинг узвий давоми сифатида Ибирай Алтинсарин таваллудининг 180 йиллигига бағишланган юбилей кечаси ҳам ташкиллаштирилди. Юбилей кечасини мактабнинг аълочи ўқувчилари Нурсулув Нураддинова ҳамда Гулбану Пиржановалар мазмунли олиб боришди.
Мактабнинг 10-синф ўқувчилари томонидан ёзувчининг “Жўмард қассоб” ҳикояси асосидаги саҳна кўриниши намойиш этилди. Ҳикояда илгари сурилган мардлик ва ростгўйлик, ҳалоллик ғоясини таъсирли образлар орқали гавдалантирган ўқувчи-ёшлар ижроси барчага манзур бўлди.
Юбилей кечаси давомида 9-11-синфларнинг ўқувчи-қизлари қозоқ халқ рақсларини ижро этдилар “Боғча дарахтлари” ҳикояси асосида 9-синф ўқувчи-ёшлари томонидан тайёрланган саҳна кўриниши барчанинг қалбида она табиатга чексиз меҳр-муҳаббат туйғусини уйғотгани билан катта аҳамиятга эга бўлди. Шунингдек, тадбирда 8-10-синфларнинг истеъдодли ўқувчилари ота-она ҳақидаги қўшиқларни ижро этишиб, азиз устозларига самимий табриклар йўлладилар.
Мактабнинг қозоқ тили ва адабиёти фани ўқитувчилари Майра Умирбаева ҳамда Мурат Тўрамуратовлар томонидан ташкиллаштирилган Ибирай Алтинсарин таваллудининг 180 йиллигига бағишланган очиқ дарс ва юбилей кечаси ўқувчи-ёшлар қалбида қардош халқлар тили ва адабиётига самимий ҳурмат ва меҳр туйғуларини янада мустаҳкамлади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
