30-сонли мактабда “Конституция – наша гордость” деб номланган маънавий-маърифий ва адабий кеча ўтказилди
Бутун юртимиз бўйлаб 8 декабрда Мамлакатимиз Асосий қонуни -Конституциямиз қабул қилинган кун улкан байрам қилинди. Сана муносабати билан жойларда ўтказилган тантанали тадбирларда Конституциямиз мамлакатимиз тараққиёти ва жамият фаровонлигининг ҳуқуқий кафолати эканлиги таъкидланди, демократик ҳуқуқий давлат ва кучли фуқаролик жамиятини барпо этиш, эркин бозор муносабатлари ҳамда хусусий мулк устуворлигига асосланган иқтисодиётни қуриш, халқимизнинг тинч, обод ва фаровон ҳаётини таъминлаш йўлида мустаҳкам ҳуқуқий пойдевор бўлиб хизмат қилаётганлиги кенг тарғиб этилди.
Шунингдек, умумий ўрта таълим мактабларида ўтказилган Конституциямизга бағишланган турли тадбирларда, савол-жавоб кечалари ва танловларда ўқувчилар онгига бахтимиз қомуси бўлган ушбу ҳужжатнинг мазмун-моҳияти чуқур сингдирилди, уларнинг ҳуқуқий саводхонлиги оширилди, бу борада ўқувчилар эришаётган ютуқлар тилга олинди.
Шу йилнинг 7 декабрида туманимиздаги таълим ўзбек ва рус тиллларида олиб бориладиган 30-сонли умумий ўрта таълим мактабида ҳам Конституциямиз қабул қилинганлигининг 29 йиллиги муносабати билан 8- ва 9-синфлари, шунингдек, 2- “А” синфи ўқувчилари иштирокида “Конституция – наша гордость” деб номланган маънавий-маърифий ва адабий кеча ўтказилди.
Тадбирда дастлаб бола ҳуқуқлари соҳасидаги қонунчиликнинг асосини ташкил этувчи Конституциямиз ҳақида, унга кўра бола туғилиши биланоқ инсон сифатида ҳуқуқ ва эркинликлари вужудга келиши, улар давлат томони дан кафолатланиши, бепул таълим олиши, малакали тиббий хизматдан фойдаланиши мумкинлиги ҳақида, умуман, юртимизнинг ҳар бир ўғил-қизи миллати, дини дан қатъий назар, бахтиёр ва эмин-эркин улғайишига хизмат қилиши ҳақида маъруза тингланди.
Шундан сўнг, мамлакатимизда қонун устуворлгини ифода этувчи саҳна кўриниши намойиши этилди. 2-“А” синф ўқувчилари Асосий Қонунимизни, бахтиёр ҳаётимизни, тинчлик – осойишталигимизни мадҳ этувчи шеърлар, жозибали рақслар ижро этдилар.
Тадбирга ташриф буюрган мактаб фахрий ўқитувчиси Хидирбой Янгибоев бадиий чиқишлари билан тадбирга ўзгача руҳ бағишлаган ўқувчиларга миннатдорлик билдирди ва барчани мамлакатимиз Асосий Қонуни қабул қилинган куннинг 29 йиллиги билан қизғин қутлади. Шунингдек, ёшларга таълим-тарбия беришда фидойилик билан меҳнат қилаётган Гулзамон Нуруллаева, Наргиза Мамутова, Дилшод Булатовлар ҳам бугунгидай обод ва фаровон турмушимиз ҳуқуқий асоси бўлган Конституциямиз қабул қилинган кун билан йиғилганларни қизғин қутладилар ва тадбир ташкилотчилари – мактабнинг тарих фани ўқитувчиси Мавлуда Худойберганова, бошланғич синф ўқитувчиси Шарофат Қодироваларга миннатдорчилик билдирдилар.
Тадбир барча иштирокчиларда улкан таассуротлар қолдирди.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
