ҚОРАҚАЛПОҒИСТОН РЕСПУБЛИКАСИ АДЛИЯ ВАЗИРИ ЎРИНБОСАРИ ЭЛМУРОД ТУРСУНОВ РАҲБАРЛИГИДА АМУДАРЁ ТУМАНИДА САЙЁР ҚАБУЛ ЎТКАЗИЛДИ
Жорий йилнинг 12 ноябрь куни Амударё тумани Маҳалла ва оилани қўллаб-қувватлаш бўлими биносида Қорақалпоғистон Республикаси Адлия Вазирининг сайёр қабули бўлиб ўтди.
Қорақалпоғистон Республикаси Адлия Вазири ўринбосари Турсунов Элмурод Эргашович бошчилигида ўтказилган сайёр қабулда туманимиз маҳаллаларида истиқомат қилувчи фуқароларнинг ўз мурожаатларини эмин-эркин ифода жтишлари учун туман Маҳалла ва оилани қўллаб-қувватлаш бўлими томонидан зарур шароитлар яратилди.
Сайёр қабулда Вазирликнинг Инсон ҳуқуқларини ҳимоя қилиш бўйича бўлими бошлиғи Утепов Есенгелди Берикбаевич, Ўзбекистон Республикаси Президентининг Амударё туманидаги Халқ қабулхонаси бўлими бошлиғи Эркин Ражабов, Амударё тумани ҳокими ўринбосари, туман Маҳалла ва оилани қўллаб-қувватлаш бўлими бошлиғи Алишер Юлдашов, туман Адлия бўлими бошлиғи Мўъминжон Матюсупов, Амударё тумани юридик хизмат кўрсатиш маркази бошлиғи Нилуфар Жуманиязова, шунингдек, туман аҳоли бандлигига кўмаклашиш Маркази, туман Тиббиёт бирлашмаси ходимлари ҳамда оммавий ахборот воситалари вакиллари қатнашдилар.
Сайёр қабул давомида фуқароларнинг бандлигини таъминлаш борасидаги ариза ва мурожаатлари, пенсия тайинлаш, кредит маблағлари олиш ва жиноят оқибатида етказилган зарарни ундириш, моддий ёрдам, нафақа тайинлаш ва бошқа масалалардаги мурожаатлари тингланиб, уларнинг асосий қисмига ҳуқуқий тушунтиришлар берилди, айримлари Қорақалпоғистон Республикаси Адлия Вазирлиги ва туман Адлия бўлими иш юритувига қабул қилинди.
Шунингдек, сайёр қабул давомида Қорақалпоғистон Республикаси Адлия Вазири ўринбосари Элмурод Турсунов томонидан Амир Темур номли овул фуқаролар йиғинида яшовчи болаликдан 1-гуруҳ ногиронлиги бўлган фуқарога ногиронлик аравачаси берилди. Туман адлия бўлими ва туман юридик хизмат кўрсатиш Маркази ходимлари Куюк кўпир, Ўрта қалъа овул фуқаролар йиғини ҳамда Ойбек ва Навоий номли маҳаллалар фуқаролар йиғинларида яшовчи ногиронлиги бўлган шахслар шунингдек, боқувчисини йўқотган ва кам таъминланган оилалар ҳамда етим болалар яшовчи хонадонларда бўлишиб, уларнинг айни дамдаги яшаш шароитлари билан яқиндан танишдилар. Ҳаётларидаги муаммоларни ўрганиб, аҳволидан хабардор бўлдилар. Туман Адлия бўлими ходимлари, Амударё туман юридик хизмат кўрсатиш Маркази ҳамда “Мадад” нодавлат нотижорат ташкилоти Амударё тумани ҳуқуқий маслаҳат бюроси ҳуқуқшунослари томонидан зарур ҳуқуқий маслаҳатлар берилиб, туман аҳоли бандлигига кўмаклашиш Маркази ходимлари мазкур оилалардаги вақтинча ишсиз фуқароларга тушунтириш ва тавсиялар бердилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
