Тадбиркорлик соҳасидаги ислоҳотлар ижросига бағишланган йиғилиш бўлиб ўтди
Сўнгги йилларда мамлакатимизда фуқароларнинг ҳуқуқ ва қонуний манфаатлари ҳимоя қилинишини таъминлаш, ижтимоий-иқтисодий ислоҳотларни жадал суръатларда амалга оширишга қаратилган тадбиркорлик субектларининг мулкий ҳуқуқлари ҳимоясини кучайтириш, одил судлов сифат ва самарадорлигини ошириш бўйича муҳим ислоҳотлар амалга оширилмоқда.
Жойларда бу борадаги изчил ислоҳотлар ижросини таъминлаш бўйича амалга оширилаётган ишларни янги босқичга кўтариш, йўл қўйилаётган камчиликларни бартараф қилиш бўйича назоратни кучайтиришга алоҳида эътибор қаратилмоқда.
Жорий йилнинг 19 октябрь санасида Амударё туман ҳокимлигининг мажлислар залида ўтказилган йиғилиш ҳам шу мақсадга қаратилди. Туман Адлия бўлими томонидан ташкил этилган йиғилиш мамлакатимизда тадбиркорлик соҳасини янада ривожлантириш борасида олиб борилаётган тизимли ислоҳотларнинг ижросини таъминлашда йўл қўйилаётган камчиликлар атрофлича таҳлил қилиниб, уларни ўз вақтида ва самарали бартараф этиш масалалари ўрганилди.
Йиғилишда туман Адлия бўлими бошлиғи Мўминжон Матюсупов сўзга чиқиб, юртимизда тадбиркорлик субьектларини ҳар томонлама қўллаб-қувватлашга алоҳида эътибор қаратилаётгани, уларнинг самарали фаолият юритишлари учун кенг имконият ҳамда шарт-шароитлар яратилаётгани хусусида тўхталди.
Таъкидланганидек, мамлакатимизда давлатимиз раҳбари ташаббуси билан тадбиркорлик соҳаси янада ривожлантирилмоқда. Президент Шавкат Мирзиёев мамлакатимиз тадбиркорлари билан очиқ мулоқот шаклидаги учрашувида тадбиркорларни энг кўп қийнаётган муаммолардан бири ер масаласи эканлигини, ушбу йўналишда катта ислоҳотлар йўлга қўйилганини қайд этди. Хусусан, ерлар икки тоифага, яъни қишлоқ хўжалиги ерлари ҳамда қишлоқ хўжалигига кирмайдиган ерларга ажратилгани, қишлоқ хўжалигига кирмайдиган ер майдонлари фақат ва фақат очиқ-ошкора аукцион орқали хусусий мулк сифатида сотилиши ёки ижарага берилиши тартиби жорий этилганини таъкидлади.
Шунингдек, сўнгги беш йилда тадбиркорлик соҳасини ривожлантиришга қаратилган 2 мингга яқин қонун, фармон ва қарорлар қабул қилингани давлатимиз раҳбарининг ушбу соҳага давлат сиёсатининг устувор йўналиши сифатида эътибор қаратаётганидан далолат беради.
Йиғилиш мобайнида сўзга чиққанлар соҳадаги қонун ҳужжатлари ижросини таъминлаш янги босқичга кўтариалаётгани, одил судлов, инсон қадр-қиммати ва ҳуқуқлари олий қадрият сифатида суд-ҳуқуқ соҳасидаги ислоҳотлар асосий мазмуни бўлиб қўлиши, бунда аввало, мансабдор шахсларнинг қарорлари устидан берилган шикоатларини кўриб чиқиш тизими такомиллаштирилаётганини алоҳида таъкидладилар.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
