ҚИЗЛАР ҲАФТАЛИГИГА БАҒИШЛАНГАН ТАДБИРЛАР КЕНГ МИҚЁСДА ЎТКАЗИЛДИ
Туманимиз ҳудудида 11-16 октябрь кунлари давомида қизлар ҳафталиги тадбирлари ўтказилди.
16 октябрь куни ҳафталик доирасида Оқ олтин овули ҳудудидаги 50-сонли мактабда ҳам “Иқтидорли қизлар” тадбири ўтказилди. Тадбирга ҳудуддаги 41-, 50-, ва 7-сонли мактабнинг иқтидорли қизлари қатнашди. Ушбу тадбир овул қизларининг ҳаёт тарзи, яшаш шароитлари, ҳуқуқ ва эркинликлари билан боғлиқ ҳолатларни ўрганиш, эрта турмуш қуришнинг олдини олиш, ёшларни касбга тўғри йўналтириш ҳолатларини ўрганиш, иқтидорли қизларни ҳар томонлама қўллаб-қувватлаш, уларнинг ижод қилишлари, ўз устида ишлашлари учун шароит яратиш ва бу қизлар эришаётган ютуқлари билан тенгдошларини таништириш мақсадида ташкил этилди.
Тадбирда қизлар ўзлариниинг спорт, фан, рассомчилик, каштачилик, миллий либослар тикиш, чет тилларни билиш маҳорати, кўп китоб ўқиш, шеър ёд билиш, ижодкорлик қобилиятларини намойиш қилишди.
Тадбирда иштирок этган 41-мактаб ўқувчилари спортнинг гандбол тури бўйича Ўзбекистон миқёсидаги мусобакада иштирок этиб, кумуш медаль олишга сазовор бўлган Шайдо Ражабова, инглиз тили бўйича мукаммал ўзлаштириш даражасига интилаётган иқтидорли қиз Сарвара Матякубова, она тили ва адабиёт фани бўйича Фан олимпиадасининг Қорақалпоғистон босқичига йўлланма олган Шахзода Бозорбоеваларга ҳавас қилса арзигулик. Шунингдек, 7-мактабдан ўқувчилари бўлган тикиш ва тўқиш бўйича ўтказилган конкурсларда яхши натижаларни қўлга киритган Гулсанам Ҳайитбоева ва Мадина Бозорбоевалар, энг кўп китоб ўқиш бўйича ўз қобилиятларини намойиш этган Сабина Алламбергановалар эришган ютуқлар ҳам тенгдошларининг ниҳоятда ҳавасини келтирди.
Турли соҳаларда муваффақиятларни қўлга киритаётган қизларга Оқ олтин овул фуқаролар йиғини томонидан фахрий ёрлиқлар берилди.
З.Сададдинова, “Ок олтин” овул фуқаролар йиғини раиси ўринбосари.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
