Куюк кўпир ҳамда Назархон овулларида мавжуд ижтимоий-иқтисодий ва маиший муаммолар бартараф қилинмоқда

Сўнгги йилларда мамлакатимизда ҳудудларни комплекс ижтимоий-иқтисодий ривожлантириш, аҳолининг яшаш шароитларини тубдан яхшилаш, турмуш даражасида сезиларли ижобий ўзгаришларга эришиш бўйича изчил чора-тадбирлар амалга оширилмоқда. Ушбу мақсадда ҳудудларни секторларга бўлиб ишни ташкил этиш тизимининг жорий этилганлиги халқ билан манзилли мулоқотнинг йўлга қўйилишига имкон яратди.

Қисқа давр мобайнида мамлакатни жадал ижтимоий-иқтисодий ва ижтимоий-сиёсий ривожлантириш, биринчи навбатда, қишлоқ жойларида аҳоли учун муносиб ҳаёт шароитларини яратиш, шунингдек, ислоҳотларни амалга оширишда фуқароларнинг бунёдкорлик салоҳиятини рўёбга чиқаришга қаратилган қатор муҳим давлат ва ҳудудий дастурлар, қонун ҳужжатлари қабул қилинди.

Амалга оширилган бу каби кенг кўламли ислоҳотларнинг давоми сифатида давлатимиз раҳбари ташаббуси билан бутун мамлакатимиз бўйлаб ҳудудларда ижтимоий-иқтисодий ва маиший муаммолари мавжуд бўлган фуқаролар йиғинлари аниқланиб, уларни бартараф қилиш бўйича аниқ вазифалар белгилаб берилди.

Хусусан, Амударё туманидаги Куюк кўпир ҳамда Назархон овуллари ижтимоий-иқтисодий ва маиший муаммолар мавжуд бўлган ҳудудлар сифатида топилиб, улардаги камчиликларни тузатиш мақсадида қурилиш-таъмирлаш ва ободонлаштириш ишлари амалга оширилмоқда.

Жумладан, ҳар иккала овул ҳудудида қуввати 400 киловатт бўлган 5 та трансформатор пунктларини ўрнатиш, электр таянч устунларини янгидан ўрнатиш, янги электр линияларини тортиш, ички йўлларга тош-шағал аралашмасини ётқизиш, пиёдалар йўлакчасини қуриш, тунги ёритгич чироқларини ўрнатиш ишлари белгиланиб, уларни амалга ошириш бўйича тизимли ишлар қилинмоқда.

Хусусан, Куюк кўпир ҳамда Назархон овулларида жорий йилнинг сентябрь ойи ҳолатига трансформатор пунктлари олиб келиниб, уларни ўрнатиш ишлари бошлаб юборилди, электр таянч устунлари ўрнатилиши овуллардаги белгиланган ҳудудларга олиб борилмоқда ҳамда электр тармоқларини тортиш ишлари бажарилмоқда.

Назархон овулида 2 та аҳоли пунктига тозаланган ичимлик суви иншоотини қуриш, ички йўлларга тош-шағал аралашмасини ётқизиш, пиёдалар йўлакчасини қуриш, тунги ёртигич чироқларини ўрнатиш, ҳудуддаги 58-сонли мактаб биносини мукаммал таъмирлаш, мазкур мактаб ва 66-сонли мактаб биноларини мебель жиҳозлар билан таъминлаш, 3-сонли мактабга сунъий қопламали мини футбол майдончасини қуриш ишлари айни кунларда жадал суръатларда олиб борилмоқда.

Шу кунгача 3 та кўчанинг тупроқ ишлари якунланиб, 1,5 км қисмига тош-шағал аралашмаси ётқизилди. Пудратчи ташкилот томонидан пиёдалар йўлакчасининг 680 метр қисмига бетон қуйилди. Режадаги тунги кўча ёритиш чироқлари 100 фоиз ўрнатилди.

58-сонли мактабда иситиш тизими тўлиқ қуриб битказилди. Полга кафель ётқизиш, ички ва ташқи пардозлаш ишлари сифатли тарзда бажарилмоқда. 3-сонли мактабда футбол майдончаси қурилиши белгиланган ҳудудга қурилиш материаллари олиб борилиб, бетон қуйиш ишлари бажарилмоқда.

Куюк кўпир овули ҳудудидаги 5 та кўчага 1,7 км узунликда тош-шағал ётқизилиб, ҳозирда кўчаларга ётқизилган тош-шағал материаллари махсус техника ёрдамида текисланмоқда. Кўчаларга тунги ёритиш чироқларини ўрнатиш ишлари туман Ободонлаштириш бошқармаси томонидан олиб борилмоқда.

Овулда жойлашган 19-сонли мактабгача таълим ташкилоти биносида ташқи сувоқ ишлари ва ички пардозлаш ишлари бажарилмоқда, дераза ва эшиклар янгидан ўрнатилмоқда.

Шу кунгача овул ҳудуддаги 5 та кўчага 1,7 км узунликда тош шағал аралашмаси ётқизилди. Хозирда кўчаларга ётқизилган тош-шағал материаллари махсус техника ёрдамида текисланмоқда. Овул ҳудудидаги йўллар ёнида 1,4 км узунликдаги пиёдалар йўлакчаси қуриб битказилиб, бетон қопламаси тўшалди.

Туман Ободонлаштириш бошқармаси томонидан Овулнинг марказий кўчалари бўйида тунги ёритиш чироқларини ўрнатиш ишлари олиб борилмоқда.

Жорий таъмирланиши кўзда тутилган 19-сонли мактабгача таълим ташкилоти биносида ташқи сувоқ ишлари ва ички пардозлаш ишлари бажарилмоқда, дераза ва эшиклар янгидан ўрнатилмоқда.

Айтиш керакки, мамлакатимизда ислоҳотларнинг янги босқичида ҳудудларни комплекс ижтимоий-иқтисодий ривожлантириш миллий иқтисодиётимизнинг изчил юқори ўсиш суръатларини таъминлаш ҳамда аҳоли турмуш даражасини оширишнинг муҳим омили сифатида қаралмоқда. Янги қабул қилинган дастурга мувофиқ Қорақалпоғистон Республикаси ҳудудида ижтимоий-иқтисодий ва маиший муаммолар мавжуд бўлган жами 21 та овул ва маҳаллаларда кенг кўламли қурилиш ва ободонлаштириш ишлари олиб борилмоқда.

Амалга оширилаётган бу каби ишлар мазкур ҳудудларда яшовчи аҳолига қулай шароитлар яратиш, овул ва маҳаллалардаги ижтимоий-иқтисодий ва маиший муаммоларни бартараф қилиш, пировардида эса аҳолининг давлатдан рози бўлиб яшашига хизмат қилиши шубҳасиз.

Туман ҳокимлигининг Ахборот хизмати.