Юридик хизмат кўрсатиш фаолиятини янада такомиллаштириш мавзусида ўқув-семинари бўлиб ўтди
Бугунги кунда мамлакатимизда давлат органлари ва ташкилотлари фаолиятини, айниқса, ўрта ва қуйи бўғинда ҳуқуқий жиҳатдан таъминлаш ҳамда уларга сифатли ва профессионал юридик хизмат кўрсатишга қаратилган ислоҳотлар босқичма-босқич амалга оширилмоқда.
Президентимизнинг «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастури тўғрисида»ги Фармонига мувофиқ давлат органлари ва ташкилотларига марказлашган юридик хизмат кўрсатиш тизимини жорий қилиш юзасидан тизимли ишлар олиб борилмоқда. Шу мақсадда қабул қилинган Президентнинг “Давлат органлари ва ташкилотларига юридик хизмат кўрсатиш фаолиятини янада такомиллаштириш чора-тадбирлари тўғрисида”ги Қарори бу борада муҳим дастуриламал бўлмоқда.
Мазкур Қарор билан 2021 йил 1 октябрдан бошлаб, Қорақалпоғистон Республикаси Адлия вазирлиги, вилоятлар ва Тошкент шаҳар Адлия бошқармалари ҳузурида юридик хизмат кўрсатиш марказларини республиканинг барча туман ва шаҳарларида ташкил этиш белгиланган.
Жорий йилнинг 27 сентябрь куни Амударё туман ҳокимлигининг мажлислар залида Ўзбекистон Республикаси Адлия вазирлигининг масъул ходимлари томонидан давлат бюджетидан молиялаштириладиган давлат органлари ва ташкилотларининг туман бўлинмалари раҳбарлари ҳамда масъул ходимлари иштирокида ўқув-семинари бўлиб ўтди. Семинарда Ўзбекистон Республикаси Президентининг “Давлат органлари ва ташкилотларига юридик хизмат кўрсатиш фаолиятини янада такомиллаштириш чора-тадбирлари тўғрисида”ги Қарори мазмун-моҳияти хусусида сўз юритилиб, “E-huquqshunos” электрон тизими орқали ҳужжат алмашинув жараёни кўргазмали тарзда намойиш этилди.
Ўқув-семинарида таъкидланишича, юридик хизмат кўрсатиладиган давлат органлари ва ташкилотлари фаолиятини ҳуқуқий жиҳатдан таъминлаш, давлат ташкилотларига сифатли ва малакали юридик ёрдам кўрсатиш, давлат ташкилотлари ходимларининг ҳуқуқий саводхонлиги ва ҳуқуқий маданиятини ошириш, давлат ташкилотларининг мулкий ҳамда бошқа ҳуқуқлари ва қонуний манфаатлари ўз вақтида, ҳар томонлама ва самарали ҳимоя қилинишини таъминлаш, давлат ташкилотлари томонидан қабул қилинаётган ҳужжатларнинг қонуний ҳамда ҳар томонлама пухта ва сифатли бўлишини таъминлаш жойларда ташкил этилаётган юридик хизматлар кўрсатиш марказларинининг асосий йўналишлари этиб белгиланган.
Шунингдек, 2021 йил 1 октябрдан бошлаб давлат ташкилотларига юридик хизмат кўрсатиш билан боғлиқ барча маълумот ва жараёнларни тўлиқ электрон равишда йиғиш, қайта ишлаш, таҳлил қилиш ва амалга ошириш имконини берувчи “E-huquqshunos” электрон тизимини босқичма-босқич жорий этилиши белгиланди.
Қайд этилишича, “E-huquqshunos” электрон тизими қатор асосий имкониятларга эга бўлиб, электрон тизимга ички буйруқ, шартномалар ва бошқа юридик тусдаги ҳужжатларнинг намуналарини киритиш ҳамда мавжуд ҳужжатлар лойиҳалари намуналаридан эркин фойдаланиш, электрон тизимдан фойдаланувчи ташкилотлар томонидан шахсий кабинетга кириш, ҳар қандай ҳужжат лойиҳаси ва унга таҳлилий материалларни тайёрлаш, қайта ишлаш ва хулоса олиш учун юридик хизматлар кўрсатиш марказларига юбориш, марказларнинг масъул ходимлари томонидан, тегишли хулоса тайёрлаш, ҳужжатларни электрон рақамли имзо билан тасдиқлаган ҳолда, электрон тизимга бириктириш ҳамда ўзаро ҳужжат алмашиш каби қатор қулайликлар яратилади.
Ўқув-семинар давомида иштирокчилар томонидан берилган саволларга батафсил жавоблар берилди.
Нилуфар Жуманиёзова, туман Юридик хизматлар кўрсатиш маркази бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
