УСТОЗЛАР КУНИГА БАҒИШЛАНГАН ТАДБИР ЎТКАЗИЛДИ
Таълим-тарбия одамзот камолоти ва жамиятнинг тараққиётига дахлдор масаладир. Шунинг учун ҳам таълим-тарбияни ўзларининг умр мазмунига айлантирган ўқитувчи ва мураббийларга давлатимиз ва ҳукуматимизнинг эътибори юксак даражада. Чунки устозлар мурғаклигимизданоқ қалбимизга эзгулик уруғларини сочади, қўлимиздан тутиб, маърифат сабоқларини беради, меҳр-муҳаббат улашади.
Биз эришаётган улкан ютуқларимиз, қўлга киритаётган ғалабалармизда уларнинг ҳиссаси катта. Шу сабаб, уларни мудом шарафлагимиз, ардоқлагимиз келади.
Республикамизнинг барча таълим муассасалари, идора ва ташкилотларида "Ўқитувчи ва мураббийлар куни"га бағишланган тадбирлар ўтказилаётгани қувонарлидир.
Шу қатори бизнинг 16-сонли ихтисослаштирилган давлат умумтаълим мактабимизда ҳам устозлар кунига атаб байрам тадбири ўтказилди. Тадбирда мактабимизнинг барча педагог-ўқитувчилари иштирок этишди. Ўқувчилар томонидан айтилган шеър ва қўшиқлар, саҳна кўринишлари, байрам совғалари барча устозлар кўнглини тоғдай кўтарди. Айниқса, 2-синф ўқувчилари томонидан тайёрланган чиқишлар барчамизнинг кўнглимиздан жой олди.
Мактабимиз – иккинчи уйимиз. Унда таълим олаётган ўқувчилар, уларга ҳам таълим, ҳам тарбия бераётган фидойи ўқитувчилар учун устоз ва мураббийлар куни ҳақиқий байрамга айланиб кетди.
Юлдуз Турсунбоева, 16-сонли ИДУМнинг
ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
