USTOZLAR KUNIGA BAGʻIShLANGAN TADBIR OʻTKAZILDI
Taʼlim-tarbiya odamzot kamoloti va jamiyatning taraqqiyotiga daxldor masaladir. Shuning uchun ham taʼlim-tarbiyani oʻzlarining umr mazmuniga aylantirgan oʻqituvchi va murabbiylarga davlatimiz va hukumatimizning eʼtibori yuksak darajada. Chunki ustozlar murgʻakligimizdanoq qalbimizga ezgulik urugʻlarini sochadi, qoʻlimizdan tutib, maʼrifat saboqlarini beradi, mehr-muhabbat ulashadi.
Biz erishayotgan ulkan yutuqlarimiz, qoʻlga kiritayotgan gʻalabalarmizda ularning hissasi katta. Shu sabab, ularni mudom sharaflagimiz, ardoqlagimiz keladi.
Respublikamizning barcha taʼlim muassasalari, idora va tashkilotlarida "Oʻqituvchi va murabbiylar kuni"ga bagʻishlangan tadbirlar oʻtkazilayotgani quvonarlidir.
Shu qatori bizning 16-sonli ixtisoslashtirilgan davlat umumtaʼlim maktabimizda ham ustozlar kuniga atab bayram tadbiri oʻtkazildi. Tadbirda maktabimizning barcha pedagog-oʻqituvchilari ishtirok etishdi. Oʻquvchilar tomonidan aytilgan sheʼr va qoʻshiqlar, sahna koʻrinishlari, bayram sovgʻalari barcha ustozlar koʻnglini togʻday koʻtardi. Ayniqsa, 2-sinf oʻquvchilari tomonidan tayyorlangan chiqishlar barchamizning koʻnglimizdan joy oldi.
Maktabimiz – ikkinchi uyimiz. Unda taʼlim olayotgan oʻquvchilar, ularga ham taʼlim, ham tarbiya berayotgan fidoyi oʻqituvchilar uchun ustoz va murabbiylar kuni haqiqiy bayramga aylanib ketdi.
Yulduz Tursunboyeva, 16-sonli IDUMning
ijodiy-madaniy masalalar boʻyicha targʻibotchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
