ЁШЛАР ПРЕЗИДЕНТНИНГ ДОИМИЙ ЭЪТИБОРИДА
Барча асрларда мамлакат келажаги ёшлар бўлиб келган. Инқилоблар ҳам, тараққиётнинг асосий ҳаракатлантирувчи кучи ҳам ёшлар ҳисобланган. Бугунги кунда ҳам шундай ва бу давом этади.
Биринчи президентимиз И. Каримов 2008 йилни “Ёшлар йили” 2010 йилни “Баркамол авлод” йили 2014 йилни “Cоғлом бола йили” 2021 йилни эса муҳтарам Президентимиз “Ёшларни қўллаб қувватлаш йили” деб номлагани бежиз эмас. 2021 йил 13 июлда қабул қилинган “Ёшларни ҳар томонлама қўллаб-қувватлаш ва уларнинг ижтимоий фаоллигини оширишга оид қўшимча чора-тадбирлар тўғрисида”ги Фармонида эса уларга ҳар томонлама кўмак бериш, имкониятларини рўёбга чиқариш учун қулай шарт-шароитлар яратишнинг йўл-йўриқлари кўрсатиб берилган. “Ёшлар дафтари”нинг шакллантирилиши эса биз депутатларни ёшлар билан ишлаш тизимини янада такомиллаштиришга ундади.
Президентимиз “Янги Ўзбекистон” газетаси бош муҳаррири Салим Дониёровга берган инервьюсида шу йилнинг 8 ойи мобайнида “Ёшлар дафтари”га киритилган 430 минг нафар йигит-қизнинг муаммоларини ҳал этиш учун 300 млрд. сўм маблағ йўналтирилганлигини айтиб ўтдилар. Мен Миллий тикланиш демократик партияси туман Кенгаши депутати сифатида мисол келтириб айтишим мумкинки, партиямиз томонидан илгари сурилаётган ташаббусларнинг кўпчилиги ёшларнинг манфаатларини ҳимоя қилишга қаратилган.
“Ёшлар қаноти” бўлими томонидан бу борада самарали ишлар амалга оширилмоқда. Партиямиз ташаббуси билан 11-синфгача ўқитиладиган “Тарбия” дарслиги чоп этилди. Кам таьминланган ёшларни қўллаб-қувватлаш мақсадида “Хизмат-беминнат”, “Уйма-уй” лойиҳалари кўпчилик ёшларнинг муаммоларига ечим бўлмоқда. Партиямиздан кўрсатилган номзод А.Қодиров президент сайловида ҳам сайловолди дастурида асосий йўналиш таълим-тарбияга эътибор эканлигини таькидлади.
Ҳақиқатдан ҳам ёшларнинг баркамол бўлиб улғайиши уларнинг оилада ва мактабда олган тарбияси ва билимига боғлиқдир. Бу борадаги ишларимиз нафақат изчил давом эттирилмоқда, балки янада юқори босқичга кўтарилмоқда.
Г.Эшимбетова, 6-сонли Олмазор сайлов округидан Халқ депутатлари туман Кенгаши депутати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
