“ОБОД ҚИШЛОҚ”ДА МАДАНИЙ ДАМ ОЛИШ ТАДБИРИ ТАШКИЛ ЭТИЛДИ
Ўзбекистон Республикаси Президентининг 2021 йил 6 апрелдаги “Обод қишлоқ” ва “Обод маҳалла” дастурларини амалга ошириш бўйича қўшимча чора-тадбирлари тўғрисида”ги Қарорига асосан туманда 2 та маҳалла, Жумуртов шаҳарчаси ва Хитой овули ҳудудлари “Обод қишлоқ” ва “Обод маҳалла” Давлат дастурига киритилди.
“Обод қишлоқ” ва “Обод маҳалла” давлат дастури доирасида республика бюджетидан 5 млрд. 814 млн. сўм, маҳаллий бюджет маблағлари ҳисобидан 5 млрд.814 млн. сўм, тармоқ корхоналаридан 1млрд. 110 млн. сўм, аҳоли, тадбиркор ва ҳомийлар маблағлари ҳисобидан 16 млрд. 840 млн. сўм ажратилиши кўзда тутилган бўлиб, айни пайтда ҳудудларда қурилиш-таъмирлаш ишлари жадал суръатларда давом этмоқда.
Дастур доирасида шу кунларда Хитой овулида олиб борилаётган қурилиш-таъмирлаш ишлари натижасида ҳудуддаги бинолар замонавий кўринишига келтирилиб, ушбу маскан янада кўркамлашмоқда.
30 апрель куни Хитой овулида дастур доирасида амалга оширилаётган қурилиш, ободонлаштириш ишлари билан танишиш мақсадидаги ва бунёдкорлик ишларида қатнашаётган ишчи-хизматчилар, ҳашарчилар учун маданий дам олиш тадбири ташкил этилди. Мазкур тадбирда Ўзбекистон Республикаси Президенти администрацияси масъул ходими Акбар Жонузоқов, Амударё тумани ҳокими Султонбой Йўлдашев ва тумандаги муассаса, корхона ва ташкилотлар раҳбарлари, Ўзбекистон Республикаси Президентининг Амударё туманидаги Халқ қабулхонаси масъуллари иштирок этди.
Масъуллар дастлаб ҳудудда “Обод қишлоқ” Давлат дастури доирасида амалга оширилган бунёдкорлик ишлари билан танишдилар.
Овулдаги фуқаролар йиғини маъмурий биноси таъмирланиши учун 449,8 млн. сўм маблағ ажратилган бўлиб, шу кунгача пудратчи ташкилот томонидан таъмирлаш ишлари 40 фоизга бажарилди. Шунингдек, аҳоли ва ҳомийлар ҳисобидан 7,6 км. ички йўлларга 15 та махсус техникалар ёрдамида тош ётқизилиб, текислаш ишлари олиб борилди. Шу пайтга қадар 129 та хонадонларнинг ташқи фасад қисми оқланди ва 922 та дарахтларга шакл берилиб, 786 та дарахтлар оҳакланди. Овул ҳудудига 1 та трансформатор ҳамда 29 та таянч устунлари ўрнатилди. Эндиликда 77 та электр таянч устунлари, 2 та трансформаторни янгидан ўрнатиш ҳамда 7,4 км электр тармоқларини тортиш ишлари амалга оширилади.
Тадбир доирасида 4 та секторлар раҳбарлари ҳам ободонлаштириш ва кўкаламзорлаштириш ишларида иштирок этиб, "Обод қишлоқ" дастури амалга оширилаётган Хитой овулидаги 85-сонли мактаб олдига арча кўчатларини экдилар.
Шу куни туман Давлат хизматлари маркази овул аҳолиси учун кўчма давлат хизматларини кўрсатди. Туман Ободонлаштириш бошқармаси ишчилари ҳам ҳашарда қатнашиб, ҳудуддаги бунёдкорлик ишларига ўз ҳиссаларини қўшдилар.
Тадбирнинг ташкилий қисмида масъуллар "Темир дафтар" рўйхатидаги оилаларга тикув машиналарини ва қимматбаҳо эсдалик совғаларини топширдилар.
Маданий дам олиш тадбирида Нукус шаҳри ва Ургач шаҳридан ташриф буюрган эстрада хонандалари, туман Маданият бўлими санъаткорлари шўх куй-қўшиқлар ижро этиб, барчага хушкайфият бахш этдилар.
Айтиш жоизки, “Обод қишлоқ” дастури доирасида Хитой овулида 18 та эҳтиёжманд оилаларнинг уй-жойларини таъмирлаш мақсадида ҳомийлар бириктирилган. Ҳудуддаги аҳолига сув етказиб берувчи 5 км. ариқларда тозалаш ишлари олиб борилди. Авария ҳолатига келиб қолган 3 та объектда бузиш ишлари бажарилди. Шунингдек, 6 та ижтимоий ҳолати оғир бўлган оилаларга янги ҳожатхоналар қурилиб, 485 та хонадонларга газ баллонлари етказиб берилди.
Ҳудудга 1,1 км. узунликдаги пиёдалар йўлакчасини қуриш учун 187,3 млн. сўм маблағ ажратилган бўлиб, бугунги кунда йўлакнинг 870 метр қисми қуриб битказилди. Яна 200 метр қисмининг ер ишлари тайёрлаб қўйилган.
Овул ҳудудида санитария ҳолатини яхшилаш мақсадида чиқиндилар учун 8 та контейнерлар ўрнатилиши режалаштирилган. Дастур доирасида 3,1 км ирригация тармоқлари, 9 км алоқа линиялари тортилади. Овулда 4 та тозаланган сув тарқатиш шохобчаларини қурилиб, 3500 нафар аҳоли тоза ичимлик суви билан таъминланади. Аҳоли томонидан 100 та уй-жойлар таъмирланади ва худуддаги 55 та табдиркорлар томонидан Бозор инфратузилма объектларини қуриш ва таъмирлаш ишлари амалга оширилади. Айни пайтда фуқароларга қулайликлар яратиш мақсадида турар жойларини таъмирлаш учун зарур бўлган қурилиш материаллари шаҳар марказидан овул ҳудудига етказиб берилмоқда.
"Обод қишлоқ" дастури амалга оширилаётган Амударё туманининг Хитой овулида қурилиш ва ободонлаштириш ишларида қатнашаётган ишчи-хизматчилар ва ҳашарчилар ҳамда овул аҳли учун ташкил қилинган концерт дастури барча иштирокчиларда катта таассуротлар қолдирди.
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
