ТУМАНДА КАРАНТИН ТАЛАБЛАРИ ҚАТЪИЙ НАЗОРАТ ҚИЛИНАДИ
Ўзбекистон Республикасига коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича Республика Махсус комиссиясининг шу йил 22 мартда тегишли баёни қабул қилинди. Ушбу баёнда мамлакатимизда коронавирус инфекциясига қарши курашиш борасида олиб борилаётган ишларни мувофиқлаштириш, шунингдек, пандемиянинг кейинги тўлқинлари олдини олиш бўйича биринчи навбатда амалга оширилиши лозим бўлган тадбирлар белгиланган.
Жорий йилнинг март ойидан аҳоли, айниқса, ёш болалар ўртасида коронавирус инфекциясини юқтириб олиш ҳолатлари сезиларли даражада ортиши ҳолатлари кузатилмоқда.
Шунга кўра, ички ишлар ва санитария-эпидемиология хизматига жорий йилнинг 24 мартидан жамоат жойларида, шу жумладан, деҳқон бозорлари, умумий овқатланиш шохобчалари, савдо мажмуаларида тиббий ниқобдан ва антисептик воситалардан фойдаланган ҳолда ҳаракатланиш бўйича санитария-гигиена талабларига қатъий риоя этилиши устидан назоратни кўчайтириш топширилган. Мамлакатда коронавирус инфекцияси билан касалланиш ҳолатлари ортиши кузатилаётганлиги муносабати билан жорий йилнинг 1 апрелидан тўйхоналарда оилавий тантана, тўй, маърака ва маросимларларни ўтказиш 100 кишидан кўп бўлмаган ҳамда санитария-гигиена талабларига қатъий риоя этган ҳолда ўтказилиши белгилаб қўйилган.
Шунга асосан аҳоли, ташкилот ва муассасалар томонидан карантин чекловларига ва санитария-эпидемиологик талабларга қатъий риоя этилиши устидан доимий рейдлар ташкил қилинади.
Жорий йилнинг 1 апрелидан бошлаб, Ўзбекистон Республикаси ҳудудида, жумладан туманда ҳам театр, кино ва концерт-томоша дастурлари ушбу тадбирларни ташкил этишнинг асосий талабларига амал қилинган ҳолда ўтказилади.
Жамоавий ибодатларни амалга оширишда 65 ёш ва ундан катта ёшдаги фуқаролар ҳамда сурункали касаллиги мавжуд шахсларнинг кунлик диний тадбирларни имкон қадар уй шароитида амалга оширишлари тавсия этилади. Шунингдек, диний муассасалардаги жамоавий ибодатлар ҳам ташриф буюрувчилар ниқобда бўлган ҳолда, қатъий санитария-гигиена қоидалари асосида амалга оширилиши талаб қилинади.
Д.Бабажанов, туман СЭО ва ЖСБ
Санитария-гигиена бўлими мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
