ЎЗБЕКИСТОН РЕСПУБЛИКАСИ ЁШЛАР ИШЛАРИ АГЕНТЛИГИ ДИРЕКТОРИ АЛИШЕР САЪДУЛЛАЕВ АМУДАРЁЛИК ЁШЛАР БИЛАН УЧРАШДИ
Мамлакатимизда ёшларга берилаётган эътибор, уларга давлат томонидан кўрсатилаётган ғамхўрлик йилдан-йилга ортиб бормоқда. Ёшларнинг маънавий салоҳиятини юксалтириш, иқтидорини қўллаб-қувватлаш, замонавий билим ва касб-ҳунар эгаллаб, етук малакали мутахассис бўлиши учун кенг имкониятлар яратилмоқда.
Айниқса, мазкур йилда ёшлар билан ишлашнинг янгича тизимини жорий этиш юзасидан тегишли чора-тадбирлар белгилаб олиниб, долзарб вазифалар амалга оширилмоқда. Шунингдек, мутахассислигига кўра уларнинг бандлигини таъминлаш, тадбиркорлик салоҳиятини ошириш, бу борада имкон борича кўмак бериш кабиларга алоҳида эътибор қаратилмоқда.
Ўзбекистон Ёшлар ишлари агентлиги директори Алишер Саъдуллаев Амударёда ёшлар масаласида олиб борилаётган ишлар билан танишиш мақсадида 12 март куни туманга ташриф буюрди.
Агентлик директорига туман ҳокими Султонбой Йўлдошев, секторлар раҳбарлари ҳамда бошқа масъуллар ҳамроҳлик қилдилар.
Масъуллар дастлаб Чойкул овулида тадбиркор Маҳмуд Норбоев томонидан ташкил этилган иссиқхонадаги иш жараёни билан танишдилар. Иссиқхонада яратилган шароит, экинлар парваришига доир ва бошқа ишлар билан қизиқиб, тадбиркорга зарур тавсиялар, маслаҳатлар бердилар. Шундан сўнг, масъуллар 55-сонли мактабга ташриф буюриб, битирувчи ёшлар билан учрашдилар. Очиқ мулоқот тарзида кечган учрашувда ёшларнинг орзу-ниятлари, фикрлари билан ўртоқлашдилар.
Учрашувда айни пайтда ёшларни қизиқтираётган саволлар, қийнаётган муаммоларни ижобий ҳал этишда туман фаоллари, кенг жамоатчилик вакиллари, мутасадди идоралар раҳбарлари масъулият билан ёндашишлари зарурлигини айтиб ўтилди. Айниқса, давлатимиз раҳбари томонидан ижтимоий муҳофазага муҳтож ва ишсиз ёшларни ҳамда олий таълим билан қамраб олинмаган ёшларнинг махсус “Ёшлар дафтари” асосида ҳисобини юритиш, мунтазам улар билан ишлаш, бандлигини таъминлаш, шу жумладан, тадбиркорликка йўналтириш масалалари бўйича берган топшириқларининг ижросини доимий равишда назоратга олиш кераклиги алоҳида таъкидлаб ўтилди.
Масъуллар Беруний номли маҳалла ҳудудида қурилаётган “Ёшлар меҳнат гузари” биносига ҳам ташриф буюриб, жараён билан яқиндан танишдилар.
Ташриф давомида масъуллар билан 2020-2021 йиллар давомида ёшлар билан ишлашнинг янгича тизимини жорий этиш бўйича барча чора-тадбирлар белгилаш ҳақида ҳам келишиб олинди.
Озода Худойберганова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
