Одам савдоси – хавфли иллат
Маълумки, мамлакатимизда шахс маънавиятини юксалтириш, унинг дунёқарашини шакллантириш, ҳар томонлама етук инсонни тарбиялаш, ҳуқуқий маданиятни ўстириш каби масалаларга алоҳида эътибор билан қараб келинмоқда.
Шу билан биргаликда айни пайтда глобал хавф-хатарлардан бири бу одам савдоси бўлиб, у жаҳон миқёсида ҳам энг катта муаммолардан бири бўлиб қолмоқда. Чунки БМТ маълумотларига кўра ҳар йили дунёда 3 млн.га яқин инсонлар одам садосига учрамоқда. Демак, бу рақамнинг ўзиёқ бу иллатнинг нақадархавфлилигидан, тобора авж олиб бораётганидан далолат беради.
Биз ҳам ўз маҳалламизда ушбу иллатнинг олдини олиш учун кўплаб амалий ишларни қилмоқдамиз. Аввало амалий семинар, очиқ мулоқотлар ўтказиб, маҳалладошларимизни одам савдосининг зарарли оқибатларидан огоҳ этмоқдамиз. Кўчалар, таълим муассасаларида одам савдосига қарши курашиш бўйича DVD дискларини намойиш қилиб, бу ҳақда фуқаролар билан мулоқотлар қилиб, улар орасида тушунтириш ишларини олиб бормоқдамиз. Шундай бўлишига қарамасдан айрим фирибгар шахсларнинг алдовига учиб, мазкур жиноятдан жабр кўрган инсонлар ҳам учраб туради. Бундай инсонларга тегишли ташкилотлар томонидан ҳуқуқий, маънавий ҳамда психологик ёрдам кўрсатилмоқда, инсоний ҳуқуқлари тикланмоқда.
Одам савдосига қарши кураш аслида ҳаммамизнинг инсоний бурчимиздир. Бунинг учун ҳар бир фуқарода ҳуқуқий маданият шаклланган бўлиши керак. Ана шундагина бу хавфли иллатнинг илдизига болта урилади.
Фаррух Ешниёзов,
"Янгиобод” МФЙ "Маҳалла посбони” жамоат тузилмаси сардори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
