МАКТАБДА НАВОИЙХОНЛИК КЕЧАСИ ЎТКАЗИЛДИ
Юртимизда Мир Алишер Навоий таваллудининг 580 йиллиги муносабати билан кенг миқёсда навоийхонлик кечалари ўтказилмоқда.
Тумандаги 31-сонли умумтаълим мактабида ҳам ушбу сана муносабати билан навоийхонлик кечаси ташкил этилди. Мактабнинг педагогик жамоаси ва ўқувчилар иштирок этган тадбирда Алишер Навоийнинг ўзбек тили ва адабиёти ривожига қўшган беқиёс ҳиссаси, ёшларни юксак маънавиятли, теран тафаккурли инсонлар этиб тарбиялашда буюк мутафаккир ижодининг аҳамияти хусусида сўз юритилди.
Мактабнинг 7-“В” синф ўқувчилари ҳамда фан ўқитувчиси Ш.Янгибоева ҳамкорлигида тайёрланган ушбу тадбирни мактаб директорининг маънавият ва маънавият масалалари бўйича директор ўринбосари Д.Ўрозалиева очиб, Навоий ҳаёти ва ижодига доир қизиқарли маълумотларни сўзлаб берди. Шундан сўнг, ўқувчилар шоир асарларидан намуналар ўқиб, достонлари асосида саҳна кўринишлари намойиш этишди. Ўқувчи-қизлар томонидан А.Навоийнинг “Чиройлигим” ғазалидан тайёрланган қўшиққа ижро этилган рақс, саҳна кўринишлари ҳаммага жуда манзур бўлди.
Таълим даргоҳларида ўтказилаётган бу каби хайрли ишлар улуғ мутафаккирларимиз асарлари мазмунини чуқур англашга, ёшларни Ватанга муҳаббат, юртга садоқат руҳида тарбиялашга, меҳр-оқибат ва ўзаро ҳурмат туйғуларини мустаҳкамлашга хизмат қилади.
Шаҳноза Хўжамуродова, 31-сонли мактаб ёшлар етакчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
