ЭЛЕКТРОН РАҚАМЛИ ИМЗО КАЛИТИНИ ОЛИШДА ҚУЛАЙЛИК ЯРАТИЛДИ
Жисмоний ва юридик шахслар томонидан электрон рақамли имзо калитларидан фойдаланишни кенгайтириш, электрон рақамли имзо калити сертификатини олишни масофадан амалга ошириш имкониятларини яратиш мақсадида 2020 йил 7 декабрда Вазирлар Маҳкамасининг 773-сонли Қарори қабул қилинди.
Унга кўра, эндиликда уйдан чиқмасдан электрон рақамли имзо калитининг сертификатини олиш мумкин. Яъни, ягона портал ёки расмий ахборот ресурси орқали мурожаат қилинган ҳолларда, мурожаат қилувчи мустақил электрон шаклда давлат хизматларидан фойдаланиш тўғрисидаги сўровномани тўлдиради ва сўровномага электрон мурожаат қилувчининг паспорти (ID-карта) нусхаси ҳамда паспортнинг асосий саҳифаси (ID-карта) билан биргаликда сельфи усулида олинган фотосурат нусхаси илова қилинади. Бунда илова қилинаётган фотосурат нусхасида мурожаат қилувчининг юз қиёфаси тиниқ кўринган ҳолда паспортнинг асосий саҳифаси (ID-карта)даги барча реквизитлари ўқиб бўладиган даражада сифатли бўлиши шарт.
Кейинги босқич ERI калитининг сертификатини бериш тўғрисидаги сўровнома расмий ахборот ресурси орқали тушган ҳолларда, бир иш куни ичида, ундаги маълумотлар тегишли мутахассис томонидан текширилади ва маълумотлар мурожаат қилувчига тегишли эканлиги тасдиқланса, электрон имзо калити сертификати тақдим этилади.
Шу билан бир қаторда юридик шахсларга ҳам кенг имконият яратиш мақсадида ERI калитларининг сертификатларини беришнинг қулай усуллари жорий этилмоқда. Унга кўра, банк ҳисобварақларидан пул кўчириш ва нақд пулсиз шаклда тўлов тизими операторлари орқали амалга оширилишига кенг имконият яратилди.
Ғайрат Собиров,
туман Давлат хизматлари маркази бош мутахассиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
