ХОРАЗМ ВА ҚОРАҚАЛПОҒИСТОН ХАЛҚЛАРИНИНГ АСРИЙ ОРЗУСИ
Бугун Қорақалпоғистон ва қардош-қондош Хоразм эллари тарихида муҳим воқеа юз бермоқда. Икки халқнинг асрий орзу-ниятлари рўёбга чиқаётир.
“Йўллари равон юртнинг турмуши фаровон”, деган ибора бор халқимизда. Қурилиши бошланаётган Амударё орқали ўтувчи темир ва автомобиль йўллари кўприги шу заминнинг сиёсий-ижтимоий ва иқтисодий ривожида жуда муҳим роль ўйнаши аниқ.
Кўприк қурилиши ўзидан-ўзи бўлмайди. Биринчи навбатда катта маблағ талаб қилинади, бу улкан иншоот қурилишига катта эътибор қаратаётган муҳтарам Президентимизга, Республика ҳукуматига чексиз миннатдорчилигимизни билдирамиз.
Бундан ўттиз йиллар олдин ҳозирги понтон кўприк ва йўллар тизимида тўрт йил ишлаганман, понтон кўприкни эксплуатация қилишдаги муаммоларнинг деярли барчасини биламан, десам хато бўлмайди. Айниқса, қишнинг келиши ва қишдан баҳорга чиқиш кезлари ниҳоятда оғир кечар эди.
Мана, Худо хоҳласа, замонавий меъморий ечимга эга кўприк қурилиб, ишга туширилса, кўп қийинчиликлар унут бўлиб кетади, бундан ташқари, юзлаб одамлар иш билан таъминланади.
Мен фурсатдан фойдаланиб, туманимиздаги нуроний ота-оналарни вақтинча ишсиз юрган ёки хорижда ишлаётган фарзандларимизни шу улкан қурилишда ишлашга жалб қилишда фаоллик кўрсатишга чақираман.
Туманимиз тарихида илк бор амалга оширилаётган бу улкан иншоотнинг ўз вақтида қуриб битказилишида қурувчи-муҳандисларга, лойиҳа ижодкорларига Яратгандан омонлик ҳамда мадад тилайман.
Жангабой Ражапов, меҳнат фахрийси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
