НАВОИЙ НОМЛИ МАҲАЛЛАДА ТУМАН ФВБ ТОМОНИДАН АМАЛИЙ-ТАКТИК МАШҒУЛОТ ЎТКАЗИЛДИ
Қорақалпоғистон Республикаси Фавқулодда вазиятларнинг олдини олиш ва уларни бартараф этиш бўйича ҳудудий комиссиясининг 2020 йил 25 ноябрдаги ҳамда туман ҳокимлигининг 2020 йил 28 ноябрь санасидаги мажлиси баёни ижросини таъминлаш мақсадида “Аҳолини ва ҳудудларни Фавқулодда вазиятларда муҳофаза қилиш ойлиги” ўтказилмоқда. Ушбу ойлик доирасида туман Фавқулодда вазиятлар бўлими томонидан турли мавзуларда амалий-тактик ва ўқув машғулотлари, фуқаролар муҳофазаси билан боғлиқ давра суҳбатлари, овул ва маҳаллалар фуқаролар йиғинлари вакиллари иштирокида тушунтириш-тарғибот тадбирлари ташкил этилмоқда.
2020 йилнинг 25 декабрь санасида Манғит шаҳридаги Навоий номли маҳалла фуқаролар йиғини фаоллари ва аҳоли вакиллари иштирокида Фавқулодда вазиятлар давлат тизими хизматларининг қиш мавсумига тайёргарлик ҳолати ҳамда “Қутуриш касаллигининг олдини олиш учун дайди ҳайвонларни йўқ қилиш” мавзусида амалий-тактик махсус ўқув машғулоти ўтказилди. Ўқув машғулотига Амударё туман Фавқулодда вазиятлар бўлимининг Фавқулодда вазиятлар давлат тизими фуқаро муҳофазаси фаолиятини ташкил этиш хавфсизлик хизмати тарғибот бўлинмаси бошлиғи Бекзод Тожибоев раҳбарлик қилди.
Навоий номли маҳалла фуқаролар йиғини ҳудудидаги Мирзо Улуғбек номидаги кўчада истиқомат қилувчи фуқаролар томонидан келиб тушган мурожаатларга асосан ҳамкорликдаги ташкилотлар билан биргаликда “Қутуриш касаллигининг олдини олиш ва дайди ҳайвонларни йўқ қилиш” мавзусида ўтказилган амалий-тактик ўқув машғулотида аввало, ушбу маҳалла фуқароларидан бирини дайди ит тишлаб олгани, жабрланган шахсга тез тиббий ёрдам кўрсатилиб, уни тўлиқ даволаш чоралари кўрилгани айтиб ўтилди.
Бундан ташқари, ҳудудга туман Санитария-эпидемиологик осойишталик ва жамоат саломатлиги бўлими ҳамда туман Ветеринария ва чорвачиликни ривожлантириш бўлими мутахассислари зудлик билан келишиб вазиятни ўргангани, жароҳат олган шахснинг қутуриш касаллигига қарши эмлангани хусусида батафсил маълумот берилди. Шу билан бирга, маҳалла ҳудудидаги хонадонлар ўрганилиб, уйларда аҳоли томонидан боқилаётган уй ҳайвонларини қутуриш касаллигига қарши эмлаш ва эмланганлик ҳолати уй ҳайвонларига берилган паспортда қайд этилиши кераклиги таъкидланди.
Бўлиб ўтган амалий-тактик ўқув машғулотида туман Ободонлаштириш бошқармасининг қаровсиз ҳайвонларни тутиш бригадасига 2020 йилнинг декабрь ойи давомида 19 та ариза келиб тушгани таъкилдаб ўтилди. Мурожаатлар асосан туманимизнинг Оқ олтин, Холимбег, Амир Темур номли, Хитой, Тўлқин овул фуқаролар йиғинлари, шунингдек, Қипчоқ шаҳарчаси, Уйшин, Чордара, Аёқчи маҳаллалари ҳиссасига тўғри келади. Ушбу мурожаатлар ижросини таъминлаш мақсадида қаровсиз ва хавфли деб ҳисобланган 72 бош дайди итлар, 28 бош дайди ҳайвонлар ушланиб, махсус қафасларда маълум муддат боқилгач, қутуриш касаллиги аломатлари бўлмаган ҳайвонлар, агар эгаси мурожаат қилса, махсус йўл-йўриқ ва тавсиялар орқали зарур тушунчалар берилиб, эгаларига қайтариш чоралари кўрилди. Қутуриш касаллиги аломатлари кузатилган ҳайвонлар эса тегишли тартибда йўқ қилинди. Қутуриш касаллиги аломатлари кузатилган ҳайвонлар қайси ҳудуддан келтирилган бўлса, ўша ҳудуддаги барча уй ҳайвонлари Ветеринария ва чорвачиликни ривожлантириш бўлими мутахассислари томонидан қутуриш касаллигига қарши тегишли тартибда эмлаш ишлари олиб борилди.
Бўлиб ўтган амалий-тактик ўқув машғулотида иштирокчиларга бу борада тўлиқ маълумотлар берилди. Шу билан бирга ҳар бир фуқаронинг “Аҳолини ва ҳудудларни фавқулодда вазиятларда муҳофаза қилиш ойлиги”да фаол иштирок этиши зарурлиги, бу эса халқимизнинг тинч, осойишта ва соғ-саломат ҳаёт кечиришида муҳим аҳамиятга эга эканлиги амалий машғулотлар орқали кўрсатиб берилди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
