ТУМАН ХОТИН-ҚИЗЛАР ЖАМОАТЧИЛИК КЕНГАШИНИНГ АСОСИЙ ВАЗИФАЛАРИ БЕЛГИЛАНДИ
Жамиятимизда хотин-қизларнинг ижтимоий фаоллигини ошириш, маҳалла ва оилани қўллаб-қувватлаш, аёлнинг жамиятда ва оилада тутган нуфузини мустаҳкамлаш учун амалга оширилаётган ишлар салмоғини янада юқори поғонага кўтариш мақсадида кенг қамровли ишлар амалга оширилмоқда. 2020 йилнинг 18 февраль санасида Президентимиз томонидан “Жамиятда ижтимоий-маънавий муҳитни соғломлаштириш, маҳалла институтини янада қўллаб-қувватлаш ҳамда оила ва хотин-қизлар билан ишлаш тизимини янги даражага олиб чиқиш чора-тадбирлари тўғрисида”ги 5938-сонли Фармони ҳамда ушбу Фармон ижросини таъминлашга қаратилган Ўзбекистон Республикаси Вазирлар Маҳкамасининг 2020 йил 14 август санасида “Қорақалпоғистон Республикаси, вилоятлар ва Тошкент шаҳрида ҳамда туман (шаҳар)ларда хотин-қизлар жамоатчилик Кенгашларини ташкил этиш тўғрисида”ги 486-сонли Қарори қабул қилингани Маҳалла ва оилани қўллаб-қувватлаш борасидаги ишлар салмоғини оширди. Ушбу ҳужжатлар маҳалла ва оила институтини янада такомиллаштириш имконини берди.
Юқоридаги Президент Фармони ва ҳукумат Қарори билан Ўзбекистон Республикаси Маҳалла ва оилани қўллаб-қувватлаш Вазирлиги ҳамда Қорақалпоғистон Республикаси Маҳалла ва оилани қўллаб-қувватлаш Вазирлигининг тегишли буйруқларига асосан туманимизда ҳам хотин-қизлар жамоатчилик Кенгаши фаолиятини ташкил этиш бўйича туман Маҳалла ва оилани қўллаб-қувватлаш бўлими бошлиғининг биринчи ўринбосари Муқаддас Бекназарова раҳбарлигида Ишчи гуруҳ тузилди. Шунингдек, туман хотин-қизлар жамоатчилик Кенгашининг 15 кишидан иборат аъзолари таркиби тасдиқланди ва Низоми ишлаб чиқилди.
Жорий йилнинг 23 сентябрь санасида туман хотин-қизлар жамоатчилик Кенгашининг биринчи ташкилий йиғилиши бўлиб ўтди. Йиғилишни туман Маҳалла ва оилани қўллаб-қувватлаш бўлими бошлиғининг биринчи ўринбосари Муқаддас Бекназарова очди ва хотин-қизларни қўллаб-қувватлаш, уларнинг ҳуқуқлари ҳамда қонуний манфаатларини ҳимоя қилиш, хотин-қизларнинг ижтимоий-сиёсий ҳаётдаги роли ва фаоллигини ошириш бўйича Низом талабларига мувофиқ таклифлар ишлаб чиқиш, муаммолар ечими юзасидан аниқ ва қатъий режалар асосида фаолият юритиш хотин-қизлар жамоатчилик Кенгашининг асосий вазифаси эканлигига батафсил тўхталди.
Шундан сўнг, 40-сонли мактаб директори, Қорақалпоғистон Республикаси Жўқорғи Кенгеси депутати Санобар Хўжамуродова Кенгаш Ишчи гуруҳи томонидан ишлаб чиқилган Низом юзасидан Кенгаш аъзоларига батафсил маълумот берди. Шу билан бирга туманимиз фаол аёлларини бирлаштирган хотин-қизлар жамоатчилик Кенгаши олдида турган долзарб вазифалар хусусида тўхталиб ўтди.
Туман хотин-қизлар жамоатчилик Кенгаши Низомида белгиланган вазифалар юзасидан “Тараққиёт кўзгуси” газетаси махсус мухбири Робия Йўлдошева, туман ФҲДЁ бўлими мудири Санобар Холбоева, халқ депутатлари туман Кенгаши депутати, 31-сонли мактаб директори Нилуфар Давлетова ҳамда халқ таълими фахрийси, “Мўътабар аёл” кўкрак нишони соҳибаси Пардагул Ўрозбоевалар ўз фикр ва таклифларини билдирдилар. Шунингдек, иштирокчилар ёшлар тарбияси билан боғлиқ муаммолар, уларнинг кийиниш ва муомала маданияти, тўй-маросимларни ўтказиш борасидаги камчиликлар, ижтимоий ҳимояга муҳтож оилаларни қўллаб-қувватлаш юзасидан амалга оширилаётган ишларда айрим овул ва маҳалла фуқаролар йиғинлари масъуллари томонидан йўл қўйилаётган камчиликлар, ёш оилаларни мустаҳкамлашга, аҳоли бандлигини таъминлашга қаратилган саъй-ҳаракатлар бўйича ўзаро фикр алмашдилар.
Йиғилишда туман хотин-қизлар жамоатчилик Кенгаши аъзолари томонидан билдирилган фикрлар ва таклифлар атрофлича муҳокама этилиб, галдаги вазифалар белгилаб олинди.
Гавҳар Чимбойчиева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
