ҲАP КИМ ҚИЛМИШИГА ЯPАШАСИГА ЭPИШАДИ

Бу ҳаётда ҳар бир инсон ўзининг қилган яхши-ёмон ишлари учун ўзи жавоб беради.

Туманимизнинг олис қишлоқларидан бирида истиқомат қилувчи Бунёд (исм фамилиялар ўзгартирилган) ҳам бу ибора мағзининг нақадар теран эканлигини бошига иш тушганида, аниқроғи, ўйламай қилган  қилмиши туфайли боши деворга урилганида ҳис қилди. Оғриқдан, аламдан, афсусдан кўзи ярқ этиб очилди.

Ўша куни у ким билиб ўтирибди деб меҳмондорчиликда спиртли ичимлик ичди. Ўзининг мастлигига қарамай, “шер” бўлиб, миниб келган мотоциклига ўтириб қайтаётганида тош қопламали ички асфальт йўлда бошқарувни йўқотиб, йўл транспорт ҳодисасини содир этди. Мотоцикл тиркамасида бўлган аёли ўртача оғир даражадаги тан жароҳатини олди.

Бунёд бу ҳаракатлари билан Ўзбекистон Pеспубликаси Вазирлар Маҳкамасининг 2016 йил 1 мартдан  амалга киритилган “Йўл ҳаракати қоидалари”нинг 12 банди 1-кичик бандини қўпол равишда бузди ва бир бегуноҳ инсоннинг тан жароҳати олиб, азоб тортишига сабабчи бўлди. Унинг бу қилмиши яқинда Жиноят ишлари бўйича туман судининг суд мажлисида муҳокама этилди ва тегишли жазо тайинланди.

***

Йўл тасодифларга тўла. Шу боисдан ҳам йўлга чиққан автомашина-ю турли техникалар бошқарувчилари ва ҳатто пиёдалардан ҳам ўта ҳушёрлик, зийраклик билан ҳаракатланиш талаб этилади.

Бўлар ишга эгаси бошчи, деганларидай ёши анчагача бориб қолган, бир умр транспорт бошқариб юрган Беҳзод Аҳмедов (исмлар ўзгартирилган) нима ҳам бўлди-ю,  фермер хўжалигининг ўзига  топширилган тракторини кўчада бошқариб бораётиб, ногоҳ вояга  етмаган овулдоши бўлган  қизалоқни йўлни кесиб ўтаётган вақтида уриб юбориб, йўл-транспорт ҳодисасини содир этди. Натижада қизалоқ  оғир тан жароҳати олиб, касалхонада даволанишга мажбур бўлди.

Беҳзод Аҳмедов ўзининг бир нафаслик бепарволиги қандай оғир оқибатларга олиб келганлигини  англаб, афсусдан боши эгилди. У Ўзбекистон Pеспубликаси Вазирлар Маҳкамасининг 2015 йил 24 декбарь кунги 370 сон қарори билан тасдиқланиб, 2016 йил 1 мартдан амалиётга жорий этилган “Йўл ҳаракати қоидалари”нинг 11 банди “г” кичик банди ва 77 банди 3-қисмини қўпол равишда бузганлиги учун жавобгар бўлди.

Яқинда унинг бу қилмиши жиноят ишлари бўйича туман судининг суд мажлисида атрофлича муҳокама этилди ва тегишли жазо тайинланди.

С.ДАВЛЕТМУPОДОВ, Жиноят ишлари бўйича Амударё туман суди раиси.