HAP KIM QILMIShIGA YaPAShASIGA EPIShADI

Bu hayotda har bir inson oʻzining qilgan yaxshi-yomon ishlari uchun oʻzi javob beradi.

Tumanimizning olis qishloqlaridan birida istiqomat qiluvchi Bunyod (ism familiyalar oʻzgartirilgan) ham bu ibora magʻzining naqadar teran ekanligini boshiga ish tushganida, aniqrogʻi, oʻylamay qilgan  qilmishi tufayli boshi devorga urilganida his qildi. Ogʻriqdan, alamdan, afsusdan koʻzi yarq etib ochildi.

Oʻsha kuni u kim bilib oʻtiribdi deb mehmondorchilikda spirtli ichimlik ichdi. Oʻzining mastligiga qaramay, “sher” boʻlib, minib kelgan mototsikliga oʻtirib qaytayotganida tosh qoplamali ichki asfalt yoʻlda boshqaruvni yoʻqotib, yoʻl transport hodisasini sodir etdi. Mototsikl tirkamasida boʻlgan ayoli oʻrtacha ogʻir darajadagi tan jarohatini oldi.

Bunyod bu harakatlari bilan Oʻzbekiston Pespublikasi Vazirlar Mahkamasining 2016-yil 1-martdan  amalga kiritilgan “Yoʻl harakati qoidalari”ning 12 bandi 1-kichik bandini qoʻpol ravishda buzdi va bir begunoh insonning tan jarohati olib, azob tortishiga sababchi boʻldi. Uning bu qilmishi yaqinda Jinoyat ishlari boʻyicha tuman sudining sud majlisida muhokama etildi va tegishli jazo tayinlandi.

***

Yoʻl tasodiflarga toʻla. Shu boisdan ham yoʻlga chiqqan avtomashina-yu turli texnikalar boshqaruvchilari va hatto piyodalardan ham oʻta hushyorlik, ziyraklik bilan harakatlanish talab etiladi.

Boʻlar ishga egasi boshchi, deganlariday yoshi anchagacha borib qolgan, bir umr transport boshqarib yurgan Behzod Ahmedov (ismlar oʻzgartirilgan) nima ham boʻldi-yu,  fermer xoʻjaligining oʻziga  topshirilgan traktorini koʻchada boshqarib borayotib, nogoh voyaga  yetmagan ovuldoshi boʻlgan  qizaloqni yoʻlni kesib oʻtayotgan vaqtida urib yuborib, yoʻl-transport hodisasini sodir etdi. Natijada qizaloq  ogʻir tan jarohati olib, kasalxonada davolanishga majbur boʻldi.

Behzod Ahmedov oʻzining bir nafaslik beparvoligi qanday ogʻir oqibatlarga olib kelganligini  anglab, afsusdan boshi egildi. U Oʻzbekiston Pespublikasi Vazirlar Mahkamasining 2015-yil 24 dekbar kungi 370-son qarori bilan tasdiqlanib, 2016-yil 1-martdan amaliyotga joriy etilgan “Yoʻl harakati qoidalari”ning 11 bandi “g” kichik bandi va 77 bandi 3-qismini qoʻpol ravishda buzganligi uchun javobgar boʻldi.

Yaqinda uning bu qilmishi jinoyat ishlari boʻyicha tuman sudining sud majlisida atroflicha muhokama etildi va tegishli jazo tayinlandi.

S.DAVLETMUPODOV, Jinoyat ishlari boʻyicha Amudaryo tuman sudi raisi.