21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 11:17
Жамият 👁 358

ТУМАН ОММАВИЙ АХБОРОТ ВОСИТАЛАРИ ХАЛҚ БИЛАН ҲАМНАФАС

ТУМАН ОММАВИЙ АХБОРОТ ВОСИТАЛАРИ ХАЛҚ БИЛАН ҲАМНАФАС

Жамият ҳаётида ОАВ алоҳида ўрин тутади. Миллий матбуотимиз ривожига улкан ҳисса қўшган улуғ бобокалонимиз Абдулҳамид Чўлпон ҳам “Матбуот ҳукуматнинг халқ билан жонли мулоқоти ва унга бажарган ишлари ҳақида ҳисобот бериш минбаридир” деган эди. Ушбу фикрлар ҳалига қадар ўзининг аҳамиятини йўқотмаган. Соҳа фидойилари бўлган журналистлар меҳнати билан матбуот ривожланишда давом этмоқда.

Туманимизда чоп этилиб келаётган “Тараққиёт кўзгуси” газетаси ҳам замонга ҳамнафас қадам ташлаб, аҳолининг ахборотга бўлган эҳтиёжини таъминлаб келмоқда. “Тараққиёт кўзгуси” ва унинг иловаси “Менинг оилам” газеталари туман ҳаётининг ҳақиқий кўзгуси деса ҳам бўлади. Газеталаримиз саҳифаларида ёритилаётган мавзулар долзарблиги, ҳаётийлиги билан муштарийлари кўнглидан ўрин олган. Таҳририятнинг жонкуяр ходимлари томонидан турли мавзудаги, жанрдаги мақолалар, хабарлар кенг ёритилмоқда. Таҳририятимиз ҳисобидаги иккита хизмат автомашиналарида газеталаримиз туманимизнинг чекка жойларидаги обуначиларга ҳам тезкор етказиб берилмоқда.

2014 йилда таҳририят биноси мукаммал таъмирланиши натижасида анча замонавий кўринишга эга бўлди. Бугун таҳририятда фаолият юритувчи ҳар бир ходимнинг хонаси компьютер, офис жиҳозлари билан таъминланган.

Замон билан ҳамнафас бўлиш мақсадида таҳририят негизида 2012 йилдан мустақил ОAВ мақомини олган амунеwс.уз сайти ишга туширилди. Эндиликда ушбу сайт орқали барча интернет фойдаланувчилари туманимиз ҳаётига доир жараёнларни кузатиб бориш имкониятига эга. Ушбу сайт энг кўп кўриладиган 500 та интернет ресурслари қаторидан жой олган.  Шу ўринда таҳририят қошида ташкил этилган “Жайҳун садоси” интернет-радиоси ҳам ўз аудиториясига эга эканлигини эътироф этиш жоиз. 2015 йилда ташкил қилинган “Жайҳун илҳомлари” нодавлат нотижорат ташкилоти ҳам истеъдодли ёшларни қўллаб-қувватлашда муҳим аҳамият касб этмоқда. Ташкилот томонидан маънавий-маърифий тарғибот тадбирлари ташкил қилиниб, ёшлар билан учрашувлар ўтказилиб келинмоқда. Ташкилот таркибидаги янги адабиётлар жамланган кутубхона туманимиз китобсеварларининг севимли масканига айланишга улгурди. 2020 йилда янгидан “Тараққиёт кўзгуси” газетаси давлат корхонаси”  нашриёти ташкил қилингани ва айни пайтда ушбу нашриёт томонидан турли ёшдаги ижодкорларнинг ижод намуналарини китоб ҳолида чоп этиш йўлга қўйилгани ҳам  таҳририят ижодий жамоасининг ҳамкорликда қўлга киритган ютуғи ҳисобланади.

“Тараққиёт кўзгуси” газетаси 2015 йил “Эътироф” Республика танловида “Энг яхши ҳудудий газета” йўналиши бўйича 1-ўрин соҳиби бўлди. Таҳририят 2015 йилда Ўзбекистон журналистлари ижодий уюшмасининг “Фахрий ёрлиғи” билан ҳам тақдирланди. Таҳририят Олий мажлис ҳузуридаги нодавлат нотижорат ташкилотларни қўллаб-қувватловчи жамоат фонди томонидан ташкил этилган 15 тадан зиёд танловларда ўз лойиҳалари билан иштирок этиб, грант маблағларини қўлга киритди ва лойиҳаларни амалга оширишда ҳуқуқий органлар, жамоат ташкилотлари, маҳаллалар ва таълим муассасалари билан ҳамкорликда иш олиб борилди.

Амударё телевидениеси ҳам мана 10 йилдирки, турли жанрлардаги кўрсатувлари билан томошабинлар эътиборини қозониб келмоқда.

Амударё телевидениеси кўрсатувлари 2010 йилдан эфирга узатилиб, ўша йилнинг 2 сентябридан фаолият бошлаб телевидение таҳририяти тумандаги “Тараққиёт кўзгуси” газетаси таҳририяти билан ҳамкорликда фаолият олиб бора бошлади. Иккала таҳририят ўртасидаги ижодий ҳамкорлик натижасида газетада чоп қилинган кўплаб очерклар, мақолалар асосида телекўрсатувлар тайёрланиб, эфирга узатилди. Телеканал орқали намойиш қилинган янгиликлар асосида тайёрланган хабарлар эса газетада чоп этилди. Ўтган давр мобайнида телевидение туман аҳолисининг ахборотга бўлган эҳтиёжини таъминлаб, тумандаги янгиликлар билан таништиришга ўзининг муносиб ҳиссасини қўшиб келмоқда. Намойиш этилган теледастурлар, туман ҳаётининг барча соҳаларидан тайёрланган телематериаллар, албатта, томошабинларга манзур бўлаяпти.

Телеканал дастурлари дастлаб ҳафтада 3 кун, кунига  2 соатдан, фақатгина Манғит шаҳри ва шаҳар атрофидаги ҳудудларда  эфирга узатилди. Ҳозирги кунда эса телеканал кўрсатувлари Манғит, Нукус, Қўнғирот ва Мўйноқ шаҳарларидаги рақамли телевизион станциялари орқали кунига 18 соат эфирга узатилиб, нафақат туманимиз, балки Қорақалпоғистоннинг деярли барча ҳудудлари, ҳатто Хоразм вилоятининг, қўшни Туркманистон Респубикасининг айрим ҳудудлари аҳолиси ҳам телеканалнинг ранг-баранг кўрсатувларидан баҳраманд бўлмоқда.

Ўзбекистон Республикасида рақамли телевидениега техник ва технологик ўтиш бўйича Давлат дастури асосида Амударё телеканали ҳам 2019 йилнинг январь ойидан бошлаб аналог тизимдан рақамли форматга ўтказилиши натижасида теледастурларни узатиш хизматларининг сифат кўрсаткичлари тубдан яхшиланиб, эфир вақти ва телеканал дастурларининг тарқатилиш ҳудудлари кенгайди.

Туман ҳокимлигининг  амалий ёрдами билан 2019 йилда телеканал таҳририяти жойлашган бинода капитал таъмирлаш ишлари амалга оширилди. Натижада турли мавзулардаги ток-шоулар, информацион дастурлар, кўнгилочар ҳамда болаларбоп кўрсатувларни тасвирга олиш учун етарли шароитлар яратилди.

Таҳририят бир неча марта Олий Мажлис ҳузуридаги Жамоат фонди томонидан ажратилган давлат грантлари ғолиби бўлди ва қатор лойиҳаларни амалга оширди.

Эфирга узатилаётган теледастурлар орқали таҳририят миллий истиқлол ғояларини тарғиб қилиш, ёшларни ватанпарварлик руҳида тарбиялаш, аҳолининг сиёсий, ҳуқуқий ва тиббий маданиятини ошириш, мамлакатимизда рўй бераётган ислоҳотларни кенг тарғиб қилиш ҳамда миллатлараро тотувлик муносабатларини мустаҳкамлашга муносиб ҳисса қўшиб келмоқда.

Ўз устида ишлаб, телевидениенинг имкониятларидан самарали фойдаланган ҳолда телетомошабинларга бири-биридан қизиқарли кўрсатувлар тайёрлаб келаётган таҳририятнинг ижодий ва техник ходимлари доим изланишда.

Мана шу аҳил ва интилувчан ижодий жамоанинг самарали меҳнатлари натижасида телеканал Қорақалпоғистонда фаолият юритаётган телекомпаниялар ичида биринчилардан бўлиб, жонли эфирни йўлга қўйди. Қолаверса, интернетдан самарали фойдаланилиб, ижтимоий тармоқларнинг телеэфир узатиш дастурий таъминотига интеграция қилингани телетомшабинлар билан фаол ва жонли мулоқот ўрнатилишига замин яратмоқда.

Журналистлар халққа яқин бўлиши, оммавий ахборот воситалари эса жамият ва фуқаролар ўртасидаги кўприк вазифасини бажариши лозим. Бу туманда фаолият кўрсатаётган  матбуот, телевидение ва радио таҳририятининг олдига қўйилган энг олий мақсадлардан бири ҳисобланади. Ана шу эзгу мақсадни амалга ошириш йўлида матонат билан хизмат қилаётган ОАВ жонкуярлари, фидойиларига ижодий баркамоллик, юксак парвозлар тилаймиз.

Озода ХУДОЙБЕРГАНОВА, журналист.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026