TUMAN OMMAVIY AXBOROT VOSITALARI XALQ BILAN HAMNAFAS
Jamiyat hayotida OAV alohida örin tutadi. Milliy matbuotimiz rivojiga ulkan hissa qöşgan uluğ bobokalonimiz Abdulhamid Çölpon ham “Matbuot hukumatning xalq bilan jonli muloqoti va unga bajargan işlari haqida hisobot beriş minbaridir” degan edi. Uşbu fikrlar haliga qadar özining ahamiyatini yöqotmagan. Soha fidoyilari bölgan jurnalistlar mehnati bilan matbuot rivojlanişda davom etmoqda.
Tumanimizda çop etilib kelayotgan “Taraqqiyot közgusi” gazetasi ham zamonga hamnafas qadam taşlab, aholining axborotga bölgan ehtiyojini taʼminlab kelmoqda. “Taraqqiyot közgusi” va uning ilovasi “Mening oilam” gazetalari tuman hayotining haqiqiy közgusi desa ham böladi. Gazetalarimiz sahifalarida yoritilayotgan mavzular dolzarbligi, hayotiyligi bilan muştariylari könglidan örin olgan. Tahririyatning jonkuyar xodimlari tomonidan turli mavzudagi, janrdagi maqolalar, xabarlar keng yoritilmoqda. Tahririyatimiz hisobidagi ikkita xizmat avtomaşinalarida gazetalarimiz tumanimizning çekka joylaridagi obunaçilarga ham tezkor yetkazib berilmoqda.
2014-yilda tahririyat binosi mukammal taʼmirlanişi natijasida ança zamonaviy körinişga ega böldi. Bugun tahririyatda faoliyat yurituvçi har bir xodimning xonasi kompyuter, ofis jihozlari bilan taʼminlangan.
Zamon bilan hamnafas böliş maqsadida tahririyat negizida 2012-yildan mustaqil OAV maqomini olgan amunews.uz sayti işga tuşirildi. Endilikda uşbu sayt orqali barça internet foydalanuvçilari tumanimiz hayotiga doir jarayonlarni kuzatib boriş imkoniyatiga ega. Uşbu sayt eng köp köriladigan 500 ta internet resurslari qatoridan joy olgan. Şu örinda tahririyat qoşida taşkil etilgan “Jayhun sadosi” internet-radiosi ham öz auditoriyasiga ega ekanligini eʼtirof etiş joiz. 2015-yilda taşkil qilingan “Jayhun ilhomlari” nodavlat notijorat taşkiloti ham isteʼdodli yoşlarni qöllab-quvvatlaşda muhim ahamiyat kasb etmoqda. Taşkilot tomonidan maʼnaviy-maʼrifiy tarğibot tadbirlari taşkil qilinib, yoşlar bilan uçraşuvlar ötkazilib kelinmoqda. Taşkilot tarkibidagi yangi adabiyotlar jamlangan kutubxona tumanimiz kitobsevarlarining sevimli maskaniga aylanişga ulgurdi. 2020-yilda yangidan “Taraqqiyot közgusi” gazetasi davlat korxonasi” naşriyoti taşkil qilingani va ayni paytda uşbu naşriyot tomonidan turli yoşdagi ijodkorlarning ijod namunalarini kitob holida çop etiş yölga qöyilgani ham tahririyat ijodiy jamoasining hamkorlikda qölga kiritgan yutuği hisoblanadi.
“Taraqqiyot közgusi” gazetasi 2015-yil “Eʼtirof” Respublika tanlovida “Eng yaxşi hududiy gazeta” yönalişi böyiça 1-örin sohibi böldi. Tahririyat 2015-yilda Özbekiston jurnalistlari ijodiy uyuşmasining “Faxriy yorliği” bilan ham taqdirlandi. Tahririyat Oliy majlis huzuridagi nodavlat notijorat taşkilotlarni qöllab-quvvatlovçi jamoat fondi tomonidan taşkil etilgan 15 tadan ziyod tanlovlarda öz loyihalari bilan iştirok etib, grant mablağlarini qölga kiritdi va loyihalarni amalga oşirişda huquqiy organlar, jamoat taşkilotlari, mahallalar va taʼlim muassasalari bilan hamkorlikda iş olib borildi.
Amudaryo televideniyesi ham mana 10-yildirki, turli janrlardagi körsatuvlari bilan tomoşabinlar eʼtiborini qozonib kelmoqda.
Amudaryo televideniyesi körsatuvlari 2010-yildan efirga uzatilib, öşa yilning 2-sentyabridan faoliyat boşlab televideniye tahririyati tumandagi “Taraqqiyot közgusi” gazetasi tahririyati bilan hamkorlikda faoliyat olib bora boşladi. Ikkala tahririyat örtasidagi ijodiy hamkorlik natijasida gazetada çop qilingan köplab oçerklar, maqolalar asosida telekörsatuvlar tayyorlanib, efirga uzatildi. Telekanal orqali namoyiş qilingan yangiliklar asosida tayyorlangan xabarlar esa gazetada çop etildi. Ötgan davr mobaynida televideniye tuman aholisining axborotga bölgan ehtiyojini taʼminlab, tumandagi yangiliklar bilan taniştirişga özining munosib hissasini qöşib kelmoqda. Namoyiş etilgan teledasturlar, tuman hayotining barça sohalaridan tayyorlangan telemateriallar, albatta, tomoşabinlarga manzur bölayapti.
Telekanal dasturlari dastlab haftada 3 kun, kuniga 2 soatdan, faqatgina Manğit şahri va şahar atrofidagi hududlarda efirga uzatildi. Hozirgi kunda esa telekanal körsatuvlari Manğit, Nukus, Qönğirot va Möynoq şaharlaridagi raqamli televizion stantsiyalari orqali kuniga 18 soat efirga uzatilib, nafaqat tumanimiz, balki Qoraqalpoğistonning deyarli barça hududlari, hatto Xorazm viloyatining, qöşni Turkmaniston Respubikasining ayrim hududlari aholisi ham telekanalning rang-barang körsatuvlaridan bahramand bölmoqda.
Özbekiston Respublikasida raqamli televideniyega texnik va texnologik ötiş böyiça Davlat dasturi asosida Amudaryo telekanali ham 2019-yilning yanvar oyidan boşlab analog tizimdan raqamli formatga ötkazilişi natijasida teledasturlarni uzatiş xizmatlarining sifat körsatkiçlari tubdan yaxşilanib, efir vaqti va telekanal dasturlarining tarqatiliş hududlari kengaydi.
Tuman hokimligining amaliy yordami bilan 2019-yilda telekanal tahririyati joylaşgan binoda kapital taʼmirlaş işlari amalga oşirildi. Natijada turli mavzulardagi tok-şoular, informatsion dasturlar, köngiloçar hamda bolalarbop körsatuvlarni tasvirga oliş uçun yetarli şaroitlar yaratildi.
Tahririyat bir neça marta Oliy Majlis huzuridagi Jamoat fondi tomonidan ajratilgan davlat grantlari ğolibi böldi va qator loyihalarni amalga oşirdi.
Efirga uzatilayotgan teledasturlar orqali tahririyat milliy istiqlol ğoyalarini tarğib qiliş, yoşlarni vatanparvarlik ruhida tarbiyalaş, aholining siyosiy, huquqiy va tibbiy madaniyatini oşiriş, mamlakatimizda röy berayotgan islohotlarni keng tarğib qiliş hamda millatlararo totuvlik munosabatlarini mustahkamlaşga munosib hissa qöşib kelmoqda.
Öz ustida işlab, televideniyening imkoniyatlaridan samarali foydalangan holda teletomoşabinlarga biri-biridan qiziqarli körsatuvlar tayyorlab kelayotgan tahririyatning ijodiy va texnik xodimlari doim izlanişda.
Mana şu ahil va intiluvçan ijodiy jamoaning samarali mehnatlari natijasida telekanal Qoraqalpoğistonda faoliyat yuritayotgan telekompaniyalar içida birinçilardan bölib, jonli efirni yölga qöydi. Qolaversa, internetdan samarali foydalanilib, ijtimoiy tarmoqlarning teleefir uzatiş dasturiy taʼminotiga integratsiya qilingani teletomşabinlar bilan faol va jonli muloqot örnatilişiga zamin yaratmoqda.
Jurnalistlar xalqqa yaqin bölişi, ommaviy axborot vositalari esa jamiyat va fuqarolar örtasidagi köprik vazifasini bajarişi lozim. Bu tumanda faoliyat körsatayotgan matbuot, televideniye va radio tahririyatining oldiga qöyilgan eng oliy maqsadlardan biri hisoblanadi. Ana şu ezgu maqsadni amalga oşiriş yölida matonat bilan xizmat qilayotgan OAV jonkuyarlari, fidoyilariga ijodiy barkamollik, yuksak parvozlar tilaymiz.
Ozoda XUDOYBERGANOVA, jurnalist.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶