ТУМАН ФАВҚУЛОДДА ВАЗИЯТЛАР БЎЛИМИНИНГ ПРОФИЛАКТИК ТАДБИРЛАРИ ЎТКАЗИЛДИ

Сўнгги вақтларда ҳаво ҳароратининг кескин исиб кетиши, шунингдек, республикамиз худудида фаолият юритаётган автомобиларга ёқилғи қуйиш шохобчаларида хавфсизлик талабларига риоя қилинмаслиги ёнғинлар содир бўлишига олиб келмоқда.
Туман Фавқулодда вазиятлар давлат тизимига кирувчи туман Ички ишлар, Миллий гвардия, тиббиёт бирлашмаси, Туман газ таъминоти, Туман электр тармоқлари ҳамда туман Фавқулодда вазиятлар бўлими ҳамкорлигида Тош ёп маҳалласида жойлашган газ қуйиш шохобчасида “Содир бўлиши мумкин бўлган фавқулодда вазиятларнинг олдини олиш ва содир бўлганда туман ФВДТ хизматлари билан хамкорликда зудлик билан бартараф этиш” мавзусида махсус-тактик ўқув машғулоти ўтказилди.
13 июнь куни ўтказилган ўқув машғулотида туман ИИБ ходими, подполковник Отабек Машарипов, Миллий Гвардия ходими, капитан Азизбек Колмуратов, туман ФВБ ходимлари, подполковник Ҳамро Матякубов, подполковник Бекзод Нурмаматов, лейтенант Бекзод Аллабергеновлар ҳамда яна 75 нафар ходимлар иштирок этиб, 14 та махсус техника жалб қилинди.
Фавқулодда вазиятларнинг олдини олиш мақсадидаги профилактика тадбири туманимиздаги Жумуртов маҳалласида ҳам ўтказилди. Мазкур тадбирда чўмилиш мавсумини бехатар ўтказиш ҳамда Жумуртов пантон кўприги атрофидаги кемаларнинг техник ҳолатини ўрганиш юзасидан бўлиб ўтди. Тадбирда Қорақалпоғистон Республикаси  Фавқулодда вазиятлар бошқармаси бўлим бошлиғи катта лейтенант Ибрагим Таджимов ҳамда туман Фавқулодда вазиятлар бўлими ходимлари иштирок этдилар.
Ёз фасли келиши билан нафақат болалар, балки катталар учун ҳам узоқ кутилган чўмилиш мавсуми бошланди. Дам олиш кунлари фуқароларимиз табият қўйнига тоза ҳаво, қуёш нурларидан ва чўмилишдан бахраманд бўлишга, шунингдек, кичик ҳажмли кемалардан фойдаланишга шошадилар. Айниқса, йирик дарё ва каналларда чўмилиш, қайиқларда, гидроциклларда, катамаранларда сайр қилиш барчага бирдек ҳузур бағишлаши табиий. Лекин “фалокат оёқ остида” деганларидек, нотаниш жойларда чўмилиш, спиртли ичимликларни истеьмол қилиб маст ҳолатда сувга тушиш, ёш болаларнинг қаровсиз қолиши ҳолатлари кўплаб учраб туради.
Маълумот тариқасида айтиш керакки, кичик ҳажмли кемаларни техник кўрикдан ва Давлат рўйхатидан ўтказиш Қорақалпоғистон Республикаси Фавқулодда вазиятлар бошқармаси томонидан амалга оширилади. Кемани дастлабки техник кўрикдан ўтказишда унинг юк кўтариш қобилияти, йўловчиларнинг максимал сиғими, двигателнинг ҳолати, қуввати, бортнинг ҳолати, қутқарув воситалари, ўт ўчиргич, сигнал чироқлари ҳамда ишлаб чиқарувчи томонидан белгиланган жиҳозлар тўлиқлиги текширилади. Техник кўрик натижасидан келиб чиққан ҳолда, кема сузиши мумкин бўлган тўлқин баландлиги, қирғоқдан узоқлашиш масофаси, максимал юк кўтариши ва йўловчилар сиғими белгилаб берилади.
Ўқув машғулотида дам олиш кунлари дўстлар ёки оила аъзолари билан бирга қайиқларда сайр қилишда, албатта, кемаларнинг юқорида айтиб ўтилган хавфсизлик талабларга жавоб беришига эътибор қаратиш лозимлиги, рўйхатдан ва техник кўрикдан ўтказилган кема бортининг икки ён томонига рўйхатга олиш рақами ёзилган бўлиши лозимлиги таъкидланди.
Шунингдек, кичик ҳажмли кемаларнинг эгаларидан эса мавжуд кемалардан қонуний ва хавфсиз фойдаланмаслик, шунингдек, сув ҳавзаларида фуқароларнинг хаёти ва соғлиғини муҳофаза қилиш мақсадида, ўз вақтида кемаларни давлат рўйхатидан ва техник кўрикдан ўтказишлари зарурлиги ҳам алоҳида қайд этиб ўтилди.
Қолаверса, кичик ҳажмли кемалардан фойдаланиш қоидаларини бузиш Ўзбекистон Республикаси Маъмурий жавобгарлик тўғрисидаги кодекснинг 119 ва 132-моддаларига мувофиқ, кеманинг вақтинча олиб қўйилиши ва маъмурий жавобгарликка сабаб бўлиши тўғрисида эслатиб ўтилди.
 Кундан кунга ҳаво ҳароратининг тобора кўтарилиб бораётгани юртимиз далаларида ғалла пишиб етилиб, ўрим-йиғим тадбирлари бошланиб кетганлиги халқимизга ғаллани нес-нобуд қилмасдан даладан ўриб олиш ҳамда хирмонга етказиш борасида бир қатор ишлар амалга оширилиб келинмоқда.

13 июнь куни Қорақалпоғистон Республикаси  Фавқулодда вазиятлар бошқармаси бошлиғининг профилактика бўйича ўринбосари подполковник Маҳмуд Сейдуллаев ва туман Фавқулодда вазиятлар бўлими бошлиғи подполковник Бегзод Нурмаматовлар Тош ёп овулидаги “Оғабек-Асадбек-Аббосбек” фермер ҳўжаликларидаги ғалла майдонларида ўриладиган ғаллани нобуд қилмай ҳамда ёнғиндан сақлаган ҳолда йўл қўймасликлари бўйича туманда ташкил этилган 16-сонли отряд ходимларига йўриқнома ўтказдилар.
Тадбир мобайнида ўримга жалб қилинган техникалар ва улардаги бирламчи ёнғин ўчириш воситаларининг созлиги, тўлиқ таъминланганлиги кўздан кечирилди. Шунингдек, комбайнни ҳар тўрт соат ичида тўхтатиб, кейин юрғизишлари, ўрим пайтида ғалла даласида тез ёнувчан маҳсулотлар олиб кирмаслик тамаки маҳсулотларини чекмаслик, оловдан фойдаланмаслик ва ёнғин хавфсизлик қоидаларига қатъий риоя қилиш лозимлиги қайд этиб ўтилди.
Шунингдек, ғаллани дон қабул қилиш шохобчаларига олиб боришда йўл ҳаракати қоидаларига амал қилишлари зарурлиги ҳам қайд этиб ўтилди.

Туман ҳокимлигининг Ахборот хизмати.