ТУМАНИМИЗДА 7 ТА ЖОМЕЪ МАСЖИД ЎЗ ФАОЛИЯТИНИ БОШЛАДИ

Pеспублика махсус комиссиясининг карантин чекловларини юмшатиш бўйича қабул қилган қарорига мувофиқ 5 июндан “яшил” ҳудудларда масжидлар  фаолияти 80 кундан сўнг қайта тикланиб, фуқароларнинг намоз ўқишига рухсат берилган эди.
Қарорга мувофиқ мамлакатимизнинг “яшил” тоифадаги ҳудудларида фақат 8 июндан бошлаб, намоз ўқиш йўлга қўйилмоқда. Бу вақтга қадар эса санитария тайёргарлиги кўрилди.

Туманимиз фуқаролари ҳам бугун – 8 июндан бошлаб, санитария-эпидемология меъёрларига қатъий амал қилган, яъни 1,5-2 метр ижтимоий масофа сақлаб, ниқоб таққан ҳолда масжидларда кунлик беш вақт намозларини адо этишлари мумкин бўлди.
Бунинг учун “Юсуф эшон бобо” жомеъ масжидида қизғин тайёргарлик кўрилди. Хусусан талаблар даражасида масжид ичи ва ҳовлиси дезинфекция қилинди. Кириш жойига дезинфекцион “тўшама” қўйилди, бирламчи дезинфекцияловчи воситалар билан таъминланди. Қўл бериб ёки қучоқлашиб саломлашиш қатъиян тақиқланди. Намозхонада ҳар бир намозхон учун масофа сақланган ҳудуд белгилаб қўйилди, кириш эшигида ташриф буюрувчиларнинг ҳарорати масофадан туриб ўлчанади ва ҳарорати юқори бўлганлар ичкарига киритилмайди. Масжид бинолари ва ҳудуди ҳар куни дезинфекция қилиниб, хоналар шамоллатиб турилади.

Туманимиздаги Ёқуб Эшон бобо, Нўғай эшон бобо, Қўзибой бобо, Ҳожи эшон бобо, Бобо Pустам бобо, Қаршили хўжа жомеъ масжидларида ҳам 8 июнь куни ана шундай талабларга риоя қилинган ҳолда намозхонлар жума намозидан ташқари кунлик беш вақт намозларини адо эта бошладилар.

О.PАЖАБОВА.