TUMANIMIZDA 7 TA JOMEʼ MASJID OʻZ FAOLIYaTINI BOShLADI

Pespublika maxsus komissiyasining karantin cheklovlarini yumshatish boʻyicha qabul qilgan qaroriga muvofiq 5-iyundan “yashil” hududlarda masjidlar  faoliyati 80 kundan soʻng qayta tiklanib, fuqarolarning namoz oʻqishiga ruxsat berilgan edi.
Qarorga muvofiq mamlakatimizning “yashil” toifadagi hududlarida faqat 8-iyundan boshlab, namoz oʻqish yoʻlga qoʻyilmoqda. Bu vaqtga qadar esa sanitariya tayyorgarligi koʻrildi.

Tumanimiz fuqarolari ham bugun – 8-iyundan boshlab, sanitariya-epidemologiya meʼyorlariga qatʼiy amal qilgan, yaʼni 1,5-2 metr ijtimoiy masofa saqlab, niqob taqqan holda masjidlarda kunlik besh vaqt namozlarini ado etishlari mumkin boʻldi.
Buning uchun “Yusuf eshon bobo” jomeʼ masjidida qizgʻin tayyorgarlik koʻrildi. Xususan talablar darajasida masjid ichi va hovlisi dezinfektsiya qilindi. Kirish joyiga dezinfektsion “toʻshama” qoʻyildi, birlamchi dezinfektsiyalovchi vositalar bilan taʼminlandi. Qoʻl berib yoki quchoqlashib salomlashish qatʼiyan taqiqlandi. Namozxonada har bir namozxon uchun masofa saqlangan hudud belgilab qoʻyildi, kirish eshigida tashrif buyuruvchilarning harorati masofadan turib oʻlchanadi va harorati yuqori boʻlganlar ichkariga kiritilmaydi. Masjid binolari va hududi har kuni dezinfektsiya qilinib, xonalar shamollatib turiladi.

Tumanimizdagi Yoqub Eshon bobo, Noʻgʻay eshon bobo, Qoʻziboy bobo, Hoji eshon bobo, Bobo Pustam bobo, Qarshili xoʻja jomeʼ masjidlarida ham 8-iyun kuni ana shunday talablarga rioya qilingan holda namozxonlar juma namozidan tashqari kunlik besh vaqt namozlarini ado eta boshladilar.

O.PAJABOVA.