“Ёшлар ойлиги” доирасида прокурор ва ёшлар учрашуви масофавий тарзда ташкил қилинди
Шу йилнинг июнь ойи Ўзбекистоннинг барча ҳудудларида “Ёшлар ойлиги” деб эълон қилиниб, ушбу ойлик доирасида қатор маданий-маърифий тадбир ва лойиҳаларни амалга ошириш режалаштирилмоқда.
6 июнь куни туманимизда шу муносабат билан ёшларни ҳуқуқий, маъданий-маърифий қўллаб-қувватлаш ҳамда уларга муносиб шарт-шароитлар яратиб бериш мақсадида “Прокурор ва ёшлар” масофавий учрашуви ташкил қилинди. Масофавий учрашув туман прокурори катта ёрдамчиси Алижон Ботиров, Ёшлар иттифоқи туман Кенгаши раиси вазифасини бажарувчиси Жасур Давлетов, “Yoshlar – kelajagimiz” жамғармаси туман бўлими раҳбари Pашид Турсунбоевлар ҳамкорлигида ташкил қилинди. Унда муваффақиятга эришган ёш тадбиркорлар, тадбиркорликка қизиқаётган, бошлаш истагида бўлган ёшлар, ёш фермерлар, уюшмаган ёшлар қатнашишди.
Учрашувда мутасаддилар ёшларнинг қизиқишлари, муаммолари ҳамда таклифларини ўргандилар.
Туман прокурори катта ёрдамчиси Алижон Ботиров ўз сўзида мамлакатимизда бугунги кунда ёшларимиз учун барча соҳаларда кенг имконият ва шароитлар яратилаётгани, айниқса, тадбиркорлик соҳаси билан шугулланиш истагида бўлган ёшларимизни қўллаб-қувватлашга катта эьтибор қаратилаётгани, соҳага оид қонунчиликнинг такомиллаштирилаётгани, тадбиркорлик субъектларига кўплаб имтиёзлар берилаётгани, уларнинг ҳуқуқий ҳимоясини мустаҳкамлаш, молиявий қўллаб-қувватлаш ва хизмат кўрсатиш кўлами кенгаяётганини алоҳида таькидлаб ўтди.
Шундан сўнг, Қиличбой овулида яшовчи ёш тадбиркорлар Д.Қодировнинг ҳозирги шароитда хорижий давлатдан янги ускунани қай тарзда олиб келиш мумкинлиги, Д.Pаҳимованинг карантин даврида тадбиркорлик субъектларига қанақа имтиёзлар мавжудлиги, Гулзор маҳалласида яшовчи ёш тадбиркор З.Дўстбековнинг карантин даврида кредит сўндирилиши борасидаги имтиёзлар ҳақида саволларига тегишлича жавоблар берилди. Қиличбой овулида яшовчи Ш.Ўрозимбетова ҳамда Янгиобод маҳалласида яшовчи Ш.Саидаҳмадовалар ишга жойлашишда амалий ёрдам беришларини сўраб қилган мурожаатлари ҳам тегишли ташкилотлар билан келишилган ҳолда ҳал қилинадиган бўлди.
Учрашувда туман Халқ таълими бўлимига қарашли 36-сонли умумтаълим мактаби бошланғич ташкилоти етакчиси Н.Бозорбоеванинг “Менинг томорқам” шиори остида челленж ташкил қилиш, Дўстлик маҳалла фуқаролар йиғинида яшовчи Б.Араббоевнинг янгидан иш бошлаётган ёш тадбиркорларга “ONLINE” ўқув-семинар ўтказиш таклифлари қўллаб-қувватланди.
Масофавий суҳбат давомида ёшларни қизиқтирган барча саволларга мисоллар билан жавоблар берилди. Эркин мулоқот тарзида ўтган учрашувда ёш авлод вакиллар ўз режалари, мақсад ва интилишларини баён этишди. Шунингдек, мутасаддилар ёшларни жамиятда янада фаол бўлишга, ҳаётда ўз ўрнини топишлпри учун тинимсиз интилишга даъват қилишди ҳамда келгусида мамлакат равнақига муносиб ҳисса қўшишлари учун ҳаётий тажрибадан келиб чиқиб, ўз таклиф ва маслаҳатларини бердилар.
Туман ҳокимлиги Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
